ԱՄՆ-ում կառուցել են կանաչ էներգիայի աղբյուր աղբանոցում

ԱՄՆ Մեն նահանգում՝ նախկին վերամշակման գործարանի վայրում, իրականացրել են մասշտաբային նախագիծ վերականգնվող էներգիայի ոլորտում: Ամերիկյան Nautilus Solar Energy ընկերությունն ավարտել է 7 ՄՎտ հզորությամբ Sanford CGA Community Solar Project արևային էլեկտրակայանի կառուցումը Սանֆորդի վերականգնված տարածքում: Նախագծի նպատակն է ապահովել էլեկտրաէներգիա մոտավորապես 960 բաժանորդի համար՝ Central Maine Power ցանցի շրջանակներում:
Նախքան շինարարությունը սկսելը, տարածքը ծածկված էր աղբով՝ CGA գործարանի վերամշակման մնացորդներով, որոնք լքվել էին 1990-ական թվականներին: Տարածքում կուտակվել էին տարբեր տեսակի աղբ՝ ներառյալ անվադողեր, մետաղներ, պլաստիկ և բետոն: Տարածքի մաքրման ժամանակ, երբ հեռացվել է ավելի քան 4000 տոննա աղբ, ծախսվել է մոտ 1.4 միլիոն դոլար: Նախագիծն օգտագործում է ժամանակակից սարքավորումներ. ավելի քան 12,000 արևային վահանակներ JA Solar-ից, որոնք տեղադրված են Nextracker-ի միաառանցքային հետևող համակարգերով, ինչպես նաև 40 ինվերտորներ Chint Power Systems-ից:
Այս կայանը ոչ միայն նպաստում է Մենի նահանգի վերականգնվող էներգիայի ոլորտի նպատակների իրականացմանը, այլև ապահովում է տնտեսական օգուտներ տեղական բնակիչների և բիզնեսների համար՝ տրամադրելով մաքուր էլեկտրաէներգիա ավելի ցածր գնով: Այս նախագիծը ցույց է տալիս, թե ինչպես կարելի է արդյունավետ օգտագործել լքված արդյունաբերական օբյեկտները՝ դրանք վերածելով էկոլոգիապես մաքուր էներգիայի աղբյուրների և նպաստելով վերականգնվող տեխնոլոգիաների զարգացմանը:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]