Կալա՞նք, թե՞ մանդատազրկում. ի՞նչ կընտրի Հովիկ Աղազարյանը
ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը խոստացել էր երեկ երեկոյան հրապարակել իր որոշումը՝ Նիկոլ Փաշինյանի հորդորի վերաբերյալ, սակայն վերջին պահին հայտարարեց, թե հետաձգում է։
Հիշեցնենք, օրերս իր հարցազրույցում Նիկոլ Փաշինյանը հայտարարել էր, թե ինքն է հորդորել Նարեկ Զեյնալյանին ու Հովիկ Աղազարյանին, ինչպես նաև ՔԿ նախագահ Արգիշտի Քյարամյանին՝ հրաժարական ներկայացնել։ Պատճառը հոկտեմբերի 15-ին խորհրդարանում կայացած լսումներն էին, որոնք աչքի էին ընկել փոխադարձ վիրավորանքներով, գոռգոռոցներով։ Փաշինյանը հորդորի մասին բարձրաձայնել էր Հանրայինի եթերում, ինչից հետո պարզ էր, որ Աղազարյանին մանդատից զրկելու հարցում վարչապետի պաշտոնը զբաղեցնող անձը վճռական է տրամադրված։
Աղազարյանը երեկ հանդիպում է ունեցել ԱԺ նախագահի հետ, որից հետո էլ հայտարարել է որոշման հետաձգման մասին։ Աղազարյանի վիճակը, մեղմ ասած, ամենևին էլ բարվոք չէ։ Թեպետ նա ատամներով փորձում է պահել իր մանդատը՝ հիփոթեքը վճարելու հնարավորությունը պահպանելու համար, բայց ՔՊ-ում այլևս որևէ աջակցություն չունի։ Նրան բաց տեքստով ասել են, որ եթե չհրաժարվի մանդատից, ապա գլխավոր դատախազը կմտնի խորհրդարան՝ Աղազարյանին կալանավորելու հարցով։ Կալանավորվելու վտանգի տակ է նաև նրա որդին։ Ամեն ինչ սկսվել էր, երբ Արգիշտի Քյարամյանը բացահայտեց, որ Աղազարյանի որդու համար երկու անգամ միջնորդել են։ Պատգամավորի որդին, օգտվելով օրենքի սողանքներից, մեքենաներ էր ներկրել, ապա արտահանել դրանք, և պետությունից ԱԱՀ-ն ետ պահանջել։ Այդ փաստերով քրեական վարույթ էր նախաձեռնվել, և Հովիկ Աղազարյանն առնվազն երկու անգամ միջնորդել էր որդու համար։
Ի դեպ, Աղազարյանի պատճառով Քննչական կոմիտեի պետի տեղակալ Արսեն Այվազյանը ևս կարող է կորցնել պաշտոնը, թեև խոսակցություններ կային, որ հենց ինքն է դառնալու ՔԿ պետ։ Ու այժմ, երբ թեմայում ներքաշված բոլոր կողմերը վարչապետի «հորդորով» պաշտոնանկ են լինում, ինքը՝ Աղազարյանը դիմադրում է։ Ի՞նչը կընտրի նա, կալա՞նքը, թե՞ մանդատից հրաժարումը, հայտնի կլինի առաջիկայում։
Էմիլ Հովսեփյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
Իշխանությունների թիրախում են ակտիվ արցախցիները. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա