Նոր նախարարները կադրային ջարդ են սկսել
Արդարադատության նախարարությունում ճամպրուկային տրամադրություններ են, նորանշանակ նախարար Սրբուհի Գալյանն արագ ազատվում է նախկին նախարարի բոլոր կադրերից։ Մեկ շաբաթ առաջ պաշտոնից ազատվեց փոխնախարար Արմենուհի Կարապետյանը, երեկ էլ դիմում է ներկայացրել Կարեն Կարապետյանը, որն այդ պաշտոնում նշանակվել էր 2023 թվականի փետրվարի 22-ին։ Վերջինիս համար պաշտոնանկությունն անակնկալ է եղել, կանչել և պարտադրել են դիմում գրել։ Գալյանն արդեն իր մերձավորներից մեկին փոխնախարարի պաշտոնի է նշանակել, առաջիկայում էլ մտադիր է փոփոխություններ իրականացնել ոչ միայն իր տեղակալների, այլև վարչության պետերի մակարդակով։ Արդարադատության նախարարությունն այդ իմաստով վատ համբավ ունի, ցանկացած նորեկ նախարար բերում է իր կադրերին, հեռացնում նախորդից մնացած ժառանգությունը։
Գրեթե նույնական վիճակ է նաև Ներքին գործերի նախարարությունում։ Փոխնախարար Դավիթ Համբարյանից ազատվելով՝ Արփինե Սարգսյանը մտադիր է նախարարությունն իր հագով ձևել։ Սարգսյանը չի ցանկանում աշխատել նաև փրկարար ծառայության պետ-տեղակալի, ոստիկանապետ-ՆԳ փոխնախարարի հետ։ Բայց այդ պաշտոններում նշանակումները պետք է համաձայնեցվեն Նիկոլ Փաշինյանի հետ։ Ընդ որում, մեր աղբյուրների փոխանցմամբ, ՆԳ նախարար նշանակելու համար Նիկոլ Փաշինյանը խոստացել է գործողությունների ավելի մեծ ազատություն տալ նոր նախարարին։
Անահիտ Տեր-Հովհաննիսյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա