Սպիտակ տունը մտադիր է մինչև Բայդենի հեռանալը հասցնել նոր պատժամիջոցներ սահմանել ՌԴ-ի դեմ
ԱՄՆ ներկայիս վարչակազմն ակնկալում է, որ կհասցնի Ռուսաստանի դեմ նոր պատժամիջոցներ սահմանել նախքան իր լիազորությունների ավարտը՝ 2025 թվականի հունվարին։ Այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։
«Ռուսաստանի պատերազմական մեքենայի աշխատանքը խափանելու համար Միացյալ Նահանգները զգալի պատժամիջոցներ է սահմանել նրա ֆինանսական հատվածի նկատմամբ. դրանց կհաջորդեն ավելի շատ պատժամիջոցներ», - ասել է Սալիվանը Սպիտակ տան կայքում տեղադրված հայտարարության մեջ:
ԱՄՆ նախագահի խորհրդականը հավելել է, որ նախագահ Ջո Բայդենը նաև որոշել է ուժեղացնել Ուկրաինային ռազմական աջակցությունը։ Այսպես, ի հավելումն Կիևին արդեն տրված թույլտվության՝ ամերիկյան հեռահար հրթիռները Ռուսաստանի տարածքի վրա հարձակումների համար օգտագործելու համար, ԱՄՆ-ն մտադիր է հունվարի կեսերին ուկրաինական կողմին փոխանցել «հարյուր հազարավոր հրետանային արկեր, հազարավոր հրթիռներ և այլ կարևոր զինատեսակներ»։
Երեկ՝ դեկտեմբերի 2-ին, ԱՄՆ պետքարտուղար Էնթոնի Բլինկենը հայտարարել է Ուկրաինային 725 մլն դոլարի չափով ռազմական օգնության նոր փաթեթ հատկացնելու մասին, որը, ի թիվս այլ բաների, ներառում էր նաև հակահետևակային ականներ։ Նոյեմբերի 20-ին Բայդենը հավանություն է տվել դրանց տեղափոխությանը Կիև։
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Ոչ միայն քաղաքական է, այլև աշխարհաքաղաքական. «Փաստ»
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Ծանր վիճակ՝ վտանգավոր միտումներով. «Փաստ»
ԶՊՄԿ-ում աշխատելը՝ կայունության, զարգացման և նոր հնարավորությունների մասին
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն