Արևային մարտկոցներ օդապարիկների վրա. Գիտնականները գտել են ավանդական արևային մարտկոցների օգտագործման սահմանափակումները շրջանցելու միջոց

Մենք սովոր ենք տանիքների և դաշտերի արևային մարտկոցներին, բայց ի՞նչ կլիներ, եթե արևը հնարավոր լիներ արևին գետնի հետ կապել այն բարձրացնելով ցանկալի բարձրության վրա, գրում է ixbt.com-ը: Գիտնականների միջազգային թիմը, ըստ երևույթին, գտել է դա անելու միջոցը մշակելով օդապարիկներին ինտեգրված ֆոտոգալվանային համակարգ: Դա գիտաֆանտաստիկ է թվում, բայց եկեք պարզենք, թե ի՞նչ է դա իրականում:

Ավանդական արևային էներգիայի սահմանափակումները հայտնի են՝ ստվերներ շենքերից և ծառերից, ձյան ծածկույթ, կարկուտ և եղանակի այլ քմահաճույքները: Նոր մշակումը լուծում է այդ բոլոր խնդիրները նրբագեղ և արմատապես: Պատկերացրեք հիբրիդային օդապարիկ, որը սավառնում է բավական բարձր բարձրության վրա, որպեսզի խուսափի երկրի մակերևույթի խոչընդոտներից: Օդապարիկի վերին մասը, հսկա ոսպնյակի նման, հավաքում է արևի լույսը, իսկ ստորին մասը կենտրոնացնում է այն ուղղելով օդապարիկից կախված արևային մարտկոցին։ Հանճարեղությունը պարզության մեջ է: Միգուցե։ Բայց այդ պարզությունը պահանջում է բարդ ինժեներական հաշվարկներ և նորարարական նյութեր:

Եկեք նայենք այդ համակարգի ներսում: Օդապարիկը պարզապես գազով լցված փուչիկ չէ։ Դա բարդ կառուցվածք է, որի վերին մասը պատրաստված է թափանցիկ նյութից՝ հատուկ բեկումային հատկություններով, իսկ ստորին մասը՝ լույսը լրացուցիչ կենտրոնացնող նյութից։ Ինժեներները նախատեսել են ամեն ինչ՝ գազի փոխանակման համակարգ պահանջվող ճնշումը պահպանելու համար, էներգիայի պահպանման մոդուլներ և նույնիսկ կայունացնող մալուխներ, որոնք պահում են օդապարիկը ցանկալի դիրքում։ Նրանք չեն մոռացել նաև պաշտպանության մասին, արևային մարտկոցը, որը գտնվում է կառուցվածքի ստորին մասում, հուսալիորեն պաշտպանված է տեղումներից։

Բայց գլխավոր խնդիրն, իհարկե, արդյունավետությունն է։ Մշակողները պնդում են, որ այդպիսի մեկ օդապարիկն ունակ է ամսական 3,5-ից 4 ԳՎտ/ժ էլեկտրաէներգիա արտադրել։ Սա շատ է, հատկապես, եթե հաշվի առնենք այն, որ կարող են լինել մի քանի նման օդապարիկներ, և դրանք կարող են աշխատել համատեղ էներգիայով ապահովելով ամբողջ բնակավայրեր կամ ձեռնարկություններ։ Իհարկե, իրական կատարումը կախված կլինի բազմաթիվ գործոններից, ներառյալ աշխարհագրական դիրքը, եղանակային պայմանները և օդապարիկների բարձրությունը:

Մինչ այժմ արևային օդապարիկը միայն նախատիպ է, որը փորձարկվել է լաբորատոր պայմաններում և մոդելավորվել տարբեր կլիմայական գոտիների համար: Բայց մենք արդեն կարող ենք խոսել այդ տեխնոլոգիայի պոտենցիալ առավելությունների մասին։ Առաջինը շարժունակությունն ու մասշտաբայնությունն է: Օդապարիկները կարող են համեմատաբար հեշտությամբ տեղափոխվել և տեղակայվել ցանկացած քանակությամբ: Երկրորդը, այն անկախ է ցամաքային ենթակառուցվածքներից և  կարող է աշխատել այն տարածքներում, որտեղ արևային էլեկտրակայանների կառուցումը դժվար է կամ անհնար: Երրորդը, առկա է էլեկտրաէներգիայի արտադրության արժեքի պոտենցիալ նվազում, հատկապես հեռավոր շրջանների դեպքում:

Իհարկե, կան նաև մարտահրավերներ: Դրանք ներառում են նյութի դիմացկունության խնդիրները, քամու և տեղումների հետ կապված խնդիրները, ինչպես նաև վերահսկման և մոնիտորինգի հուսալի համակարգերի մշակման անհրաժեշտությունը: Բայց, ինչպես ցույց է տալիս փորձը, շատ տեխնոլոգիական խոչընդոտներ կարելի է հաղթահարել, և միանգամայն հնարավոր է, որ մոտ ապագայում մենք տեսնենք երկնքում լողացող արևային էլեկտրակայաններ, որոնք կապահովեն մեզ համար մաքուր և մատչելի էներգիա։

Ի վերջո, եկեք ավելի լայն նայենք: Նշված  տեխնոլոգիան կարող է կիրառություն գտնել ոչ միայն էներգետիկ ոլորտում: Պատկերացրեք բջջային կապի հարթակներ, լողացող լաբորատորիաներ շրջակա միջավայրի մոնիտորինգի համար կամ նույնիսկ դիտորդական դիրիժաբլներ արտակարգ իրավիճակների ծառայությունների համար: Այս տեխնոլոգիայի բացած հնարավորություններն իսկապես անսահման են: Եվ, ով գիտի, գուցե այդ «արևային օդապարիկները» ապակենտրոնացված էներգիայի ապագան են և ավելին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]