Արայիկ Հարությունյանը՝ ֆեդերացիայի նախագահ. փորձում են յուրացնել ուրիշների աշխատանքը
Վարչապետի աշխատակազմի ղեկավար Արայիկ Հարությունյանը երեկ միաձայն ընտրվել է Հայաստանի ծանրամարտի ֆեդերացիայի նախագահ։ Ընտրությունները կայացել են Մատենադարանում, Հայաստանի ծանրամարտի ֆեդերացիայի հերթական ժողովում։ Շուրջ 8 տարի ֆեդերացիան գլխավորած, Հրաչյա Ռոստոմյանը հայտարարել էր ՀԾՖ նախագահի պաշտոնում այլևս չառաջադրվելու մասին:
Ֆեդերացիայի 110 անդամից ներկա է եղել 79 պատվիրակ, որոնք բոլորն էլ կողմ են քվեարկել միակ թեկնածու Արայիկ Հարությունյանի օգտին։ «Նպատակս է ցույց տալ, թե ինչպիսին է ֆեդերացիայի՝ իմ պատկերացրած ղեկավարման/կազմակերպման մոդելը, որը կարող է ապագայում վարակիչ դառնալ մյուս ֆեդերացիաներում»,- ֆեյսբուքյան իր էջում ընտրություններից հետո գրել է Արայիկ Հարությունյանը:
Վերջինիս ընտրությունը մարզական այդ կարևորագույն կառույցի ղեկավարի պաշտոնում սոցցանցերում ընդունվել է կամ բուռն դժգոհությամբ, կամ ոչ պակաս բուռն ծաղրով։ Հարությունյանը սպորտի հետ որևէ առնչություն չունի՝ չհաշված, որ համակարգել է տարբեր մարզական միջոցառումներ, դրանց համար հատկացված հսկայական գումարները։ Թե ինչպես է համակարգել, կարելի է կարդալ այդ օրերին մամուլի հրապարակումներում, որտեղ կոռուպցիայի մասին բազմաթիվ դրվագներ կան։
Հարցն այն է, թե ինչու է վարչապետի աշխատակազմի ղեկավարը գրոհում ծանրամարտի ֆեդերացիան։ Ծանրամարտը հայկական սպորտում առաջնային դիրք է գրավում, հայ մարզիկները բավական հաջող են հանդես գալիս՝ մեդալներ բերելով։ Եվ դա շնորհիվ երկար տարիներ այլ անձանց կատարած ահռելի աշխատանքի։ Եվ այժմ, գործող իշխանությունները փորձում են յուրացնել այլոց ձեռքբերումները, ներկայացնել դրանք որպես փաշինյանական իշխանության հաջողություններ։ Գործող իշխանությունը, չստեղծելով որևէ բարիք, յուրացնում ու փոշիացնում է ուրիշի ստեղծածը։ Թեպետ, այս դեպքում պետք է ցավակցել մարզաշխարհին։ Առնվազն ծանրամարտն առաջընթացի փոխարեն հետընթաց է գրանցելու։
Աննա Աբազյան
ՔՊ-ականներն ահաբեկում են անգամ անչափահասներին. «Հրապարակ»
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...