ԱրարատԲանկը կրկին արժանացել է Ria Money Transfer-ի «Տարվա գործընկեր» մրցանակին

ԱրարատԲանկը 2024թ. արդյունքներով արժանացել է Ria Money Transfer համակարգի «Տարվա գործընկեր» մրցանակին։

Մրցանակը շնորհվել է՝ հաշվի առնելով իրականացված գործարքների ծավալն ու քանակը, սպասարկման որակը, համապատասխանությունը ՓԼԱՖ կանոններին, համատեղ արշավների արդյունավետության աստիճանը։

«Մեզ համար մեծ պատիվ է Ria Money Transfer համակարգի կողմից արժանանալ այս հեղինակավոր մրցանակին։ Սա ոչ միայն ձեռքբերում է, այլ նաև նոր խթան՝ առավել բարձր արդյունքների հասնելու համար։ Ներկա աշխարհաքաղաքական պայմաններում կշարունակենք ամրապնդել մեր դիրքերը և ապահովել կայուն զարգացում», - նշել է ԱրարատԲանկի Միջազգային գործառնությունների վարչության ղեկավար Զարուհի Մելքոնյանը։

Հատկանշական է, որ 2023թ. բանկին շնորհվել է «Բիզնեսի ընդլայնման նվաճումների» մրցանակ՝ հաշվի առնելով 2012թ․-ից ի վեր գործարքների քանակային և ծավալային կայուն, մշտական աճը։

Նշենք, որ Ria Money Transfer-ը գործում է աշխարհի ավելի քան 160 երկրում՝ ապահովելով դրամական փոխանցումների հուսալի և արագ սպասարկում։