Ավստրալիան ռեկորդներ է սահմանել, քանի որ վերականգնվող աղբյուրները դուրս են մղում ածուխը

Ավստրալիան վերականգնվող էներգիայի արտադրության նոր ռեկորդ է սահմանել նվազեցնելով իր կախվածությունն ածուխով աշխատող էլեկտրակայաններից մինչև պատմական նվազագույնը: Ավստրալիայի էներգետիկ շուկայի օպերատորի (AEMO) տվյալների համաձայն, 2024 թվականի վերջին եռամսյակում ածխի մասնաբաժինը ընդհանուր էլեկտրաէներգիայի արտադրության մեջ առաջին անգամ ընկել է երկրի ընդհանուր էներգաարդյունաբերության 50 %-ից էլ ցածր, գրում է ixbt.com–ը:

Զգալի տեղաշարժը տեղի է ունենում էլեկտրաէներգիայի ռեկորդային բարձր պահանջարկի ֆոնին, որը պայմանավորված է ջերմաստիճանի բարձրացմամբ և սպառողների գազից էլեկտրաէներգիայի անցնելով: Միևնույն ժամանակ գրանցվել է արևային էներգիայի արտադրության զգալի աճ, տանիքային արևային մարտկոցների արտադրությունն աճել է 18 %-ով, իսկ արդյունաբերական արևային էլեկտրակայաններինը 9 %-ով՝ հասնելով ռեկորդային մակարդակի։

AEMO-ի ավագ ներկայացուցիչ Վիոլետ Մուշեյլն ասել է, որ արևային էներգիայի արտադրության աճը, զուգորդված ածխի արտադրության ռեկորդային ցածր հասանելիության հետ, նշանակում է, որ առաջին անգամ ածուխով աշխատող էլեկտրակայաններն ապահովում են Էներգետիկայի ազգային շուկայում (NEM) ընդհանուր էլեկտրաէներգիայի 50 %-ից էլ պակասը: Միևնույն ժամանակ, էներգիայի վերականգնվող աղբյուրները ռեկորդային մակարդակի են հասել էլեկտրաէներգիայի արտադրության ընդհանուր ծավալում` 46 %, իսկ նոյեմբերի 6-ին գրանցված առավելագույն ցուցանիշը կազմել է 75,6 %:

Այս փոփոխությունները հանգեցրել են ջերմոցային գազերի արտանետումների ռեկորդային ցածր մակարդակի: Ավստրալիայի կառավարությունը վերջերս հայտարարել էր մաքուր էներգիայի լրացուցիչ 1,2 միլիարդ դոլարի ֆինանսավորման մասին՝ ածուխից և այլ հանածո վառելիքից վերականգնվող էներգիայի անցումն արագացնելու համար: Երկիրը, որն աշխարհի առաջատար ածուխ արտահանողներից է, խոստացել է մինչև 2050 թվականը հասնել ածխածնի զրոյական արտանետումների:

Սակայն էներգետիկայի ոլորտի պատասխանատուները նախազգուշացնում են ածխի կայանների բացը լրացնելու համար արագ գործողությունների անհրաժեշտության մասին: Զեկույցում նշվում է, որ էլեկտրաէներգիայի մեծածախ գները մինչև 2024 թվականը բարձրացել էին 83 %-ով , ինչը հիմնականում պայմանավորված էր մեծ պահանջարկով, ածխի էներգիայի հասանելիության նվազմամբ և էներգիայի փոխանցման սահմանափակումներով:

Կլիմայի փոփոխության և էներգետիկայի հարցերով պետքարտուղար Քրիս Բոուենն ասել է, որ տվյալները հաստատում են էլեկտրաէներգիայի գների վրա ածխի էներգիայի բացասական ազդեցությունը, մինչդեռ համակարգում վերականգնվող էներգիայի մասնաբաժնի ավելացումը նվազեցնում է մեծածախ գները: Նա նաև նշել է էներգիայի փոխանցման նոր ենթակառուցվածքների կարևորությունը ցածր գները պահպանելու համար:

Բացի դա ազգային գիտական ​​գործակալությունը CSIRO-ն անցյալ ամիս իր զեկույցում ասել է, որ միջուկային էներգիան 50 %-ով ավելի թանկ կլինի, քան վերականգնվող էներգիան և կպահանջվի առնվազն 15 տարի անհրաժեշտ ենթակառուցվածքների կառուցման համար:

Ավստրալիան, որն ունի ածխի, գազի, մետաղների և օգտակար հանածոների զգալի պաշարներ, երկար ժամանակ ապավինում է հանքարդյունաբերությանը և հանածո վառելիքին տնտեսական աճը խթանելու համար: Այնուամենայնիվ, վերջին տարիներին երկիրը գնալով բախվում է ավելի ինտենսիվ անտառային հրդեհների և ավելի ու ավելի ուժեղ երաշտների, որոնք գիտնականները կապում են կլիմայի փոփոխության հետ:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]