Հնդկաստանը կտրուկ արագացրել է արևային վահանակների ներդրումը

2024 թվականին Հնդկաստանում արևային վահանակների հզորության ներդրումը հասել է 25,2 ԳՎտ-ի: Դա եռապատիկ գերազանցում է նախորդ տարվա ցուցանիշը (8,3 ԳՎտ): Կարևոր դեր են խաղացել արևային էլեկտրակայանների նախագծերը, որոնք իրականացվում են ընդհանուր ցանցից սպառողներին էներգամատակարարում ապահովելու նպատակով. խոշոր կայանների բաժինը կազմել է արևային էներգետիկայում հզորության ներդրման 87 %-ը, մինչդեռ շենքերի տանիքներին տեղադրվող PV-մոդուլների բաժինը՝ 13 %։

Արդյունաբերության զարգացման տեմպերով առաջատար տարածաշրջաններ են երկրի արևմտյան հատվածում գտնվող երեք նահանգները՝ Ռաջաստանը, Գուջարաթը և Մահարաշտրան, որոնք ապահովել են արևային վահանակների ներդրման երկու երրորդը: Ընդհանուր առմամբ, անցյալ տարի արևային գեներացիան կազմել է գեներացնող հզորությունների աճի 73 %-ը՝ ներառյալ վերականգնվող էներգիայի բոլոր տեսակները, ինչպես նաև ատոմային և ջերմային էլեկտրակայանները:

Ատոմային և վերականգնվող էներգետիկայի զարգացումը Հնդկաստանին հնարավորություն կտա մինչև 2030 թվականը ցածր ածխածնային աղբյուրների հզորությունը հասցնել 500 ԳՎտ-ի: Հնդկաստանի վարչապետ Նարենդրա Մոդին այս նպատակը հայտարարել էր 2021 թվականին Գլազգոյում (COP26) կայացած կլիմայի վերաբերյալ միջազգային համաժողովի ժամանակ: Անցյալ տարվա արդյունքներով ցածր ածխածնային աղբյուրների ընդհանուր հզորությունը գերազանցել է 200 ԳՎտ-ը:
Այնուամենայնիվ, Հնդկաստանում էլեկտրաէներգիայի արտադրության ավելի քան 70 %-ը դեռևս ապահովում է ածուխը:

Ըստ Global Energy Monitor-ի տվյալների՝ 2024 թվականին երկրում շահագործման են հանձնվել 5,8 ԳՎտ հզորությամբ ածխային ջերմային էլեկտրակայաններ, ինչը երկրորդ ամենաբարձր ցուցանիշն է Չինաստանից հետո (30,5 ԳՎտ):

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]