Forbes-ի վարկանիշ. Պլեխանովի համալսարանը ՌԴ լավագույն բուհերի 5-յակում է. հարցում գործատուների շրջանում

Forbes Education-ը պարզել է, թե ռուսական որ բուհերի դիպլոմներն են առավել վստահություն ներշնչում առաջատար ընկերությունների շրջանում, և կազմել աշխատաշուկայում լավագույն հեղինակություն ունեցող բուհերի վարկանիշը։

Հարցմանը ներառվել են Ռուսաստանի 20 առաջատար բուհեր, իսկ Պլեխանովի անվան Ռուսաստանի տնտեսագիտական համալսարանը լավագույն հնգյակում զբաղեցրել է 5-րդ տեղը։ Բուհի կրթության որակն ընդգծել է հարցված ընկերությունների ավելի քան 40%-ը։

Նշենք, որ Պլեխանովի անվան ռուսական տնտեսագիտական ​​համալսարանի Երևանի մասնաճյուղն արդեն 23 տարի է, ինչ բարձր որակավորում ունեցող մասնագետներ է պատրաստում։

«Պլեխանովի համալսարանի շրջանավարտը կիրառական գիտելիքներով և հմտություններով օժտված բարձրակարգ մասնագետ է։ Վարկանիշի արդյունքները հաստատում են մեր ռազմավարության արդյունավետությունն ու մեր շրջանավարտների լայն պահանջարկն աշխատաշուկայում»,- ​​նշել է Պլեխանովի անվան տնտեսագիտական ​​համալսարանի ռեկտոր Իվան Լոբանովը։