Ավելի քան 200 ուղևոր արգելափակվել է Երևան չվերթի ուշացման պատճառով․ ինչ է հայտնի

Վնուկովոյում ավելի քան 200 ուղևոր մեկ օրով արգելափակվել է UTair ավիաընկերության՝ դեպի Երևան չվերթի ուշացման պատճառով։

«Boeing 767»-ում հայտնաբերվել են շարժիչի խնդիրներ։

Ըստ SHOT-ի՝ թռիչքը պետք է կայանար երեկ՝ Երևանի ժամանակով 21:40-ին, սակայն այն երեք ժամով հետաձգվել է, և դա կրկնվել է հինգ անգամ անընդմեջ։ Զայրացած ուղեւորները դժգոհել են ավիաընկերության կողմից բացատրությունների բացակայության կապակցությամբ։ Նրանց ասել են, որ եթե այսօր ժամը 16:00-ին ինքնաթիռը չթռչի, իրենց կտեղափոխեն այլ չվերթ։

Թռիչքը կրկին հետաձգվել է, և այժմ այն ​​նախատեսված է ժամը 22:50-ին, սակայն դա վերջնական տեղեկություն չէ։ UTair-ը ուշացումների պատճառով ուղևորներին սննդի համար վճարել է մոտ 1400 ռուբլի։