iPhone-ը բոլորովին նոր թանկարժեք մոդել կթողարկի

Apple-ը դիտարկում է iPhone 17 Ultra պրեմիում մոդելի թողարկման հնարավորությունը։ Այս մասին հայտնում է MacRumors պորտալը՝ հղում անելով ինսայդեր yeux1122-ին։

Աղբյուրի համաձայն՝ գալիք iPhone 17 Ultra-ն կունենա ավելի փոքր Dynamic Island կտրվածք, բարելավված հովացման համակարգ՝ օգտագործելով գոլորշու խցիկներ և ավելի մեծ մարտկոց:

Ակնկալվում է, որ ավելի փոքր Dynamic Island-ը կօգտագործվի միայն Ultra տարբերակում՝ բաղադրիչների սահմանափակ մատակարարումների պատճառով: Միևնույն ժամանակ, ավելի մեծ մարտկոցի շնորհիվ նոր արտադրանքը ավելի հաստ կլինի, քան շարքի մյուս մոդելները:

Ակնկալվում է, որ iPhone 17 Ultra-ն կառաջարկի նաև 12 ԳԲ օպերատիվ հիշողություն և եռակի տեսախցիկ՝ 48 մեգապիքսել մոդուլներով: Հնարավոր է, որ այս նույն հատկանիշները օգտագործվեն iPhone 17 Pro-ում։

Սպասվում է, որ iPhone 17 Ultra-ն կներկայացվի 2025 թվականի սեպտեմբերին՝ երեք այլ մոդելների հետ միասին, ներառյալ բոլորովին նոր iPhone 17 Air-ը, որը կփոխարինի Plus տարբերակին: Սա կլինի ռեկորդային բարակ սմարթֆոն՝ ընդամենը 5,5 մմ կորպուսի հաստությամբ, մեկ տեսախցիկով և մոնո բարձրախոսով։