Ալավերդին հոսանքազրկվել, ձյան մեջ կորել է, մի հատ էլ երկրաշարժ է եղել․ ի՞նչ իրավիճակ է Լոռիում
Այսօր երկրաշարժ էր գրանցվել Լոռու մարզում, Սպիտակ քաղաքից 8 կմ դեպի հյուսիս՝ 4 բալ ուժգնությամբ։ Երկրաշարժից բացի մարզում նաև առատ ձյուն է տեղացել, և ինչպես MediaHub-ին փոխանցեցին՝ Լոռիում վիճակն ուղղակի աննկարագրելի է։
Ձնածածկույթը տեղ-տեղ հասել է մինչև 30 սմ, ինչի հետևանքով ստեղծվել է բավականին բարդ արտակարգ իրավիճակ։
«Այս ամենից բացի՝ երեկ ուշ երեկոյան էլեկտրամատակարարման մասսայական վթարներ են արձանագրվել Ալավերդիում, Օձունում, Այգեհատում, Արդվիում, Հագվիում։ Երկրաշարժից հետո տարածաշրջանն ամբողջությամբ հոսանքազրկված է։ Ենթադրվում է, որ Վանաձորի և Ալավերդիի հարակից հատվածում բարձրավոլտ աշտարակ է ընկել։ Պատկերն անմխիթար է նաև ներքին ցանցերում։ Թաց, ծանր ձյան հետևանքով բազմաթիվ ընկած էլեկտրասյուներ կան»,- ահազանգում է մարզի բնակիչներից մեկը:
Առավոտյան Ալավերդիում մարդիկ խուճապի են մատնվել, տեղ-տեղ հոսանքազրկումը պահպանվել է, ինչի հետևանքով նաև դպրոցների ջեռուցումն անջատված է եղել:
«Մարդիկ շատերը չեն գնացել աշխատանքի, երեխաներին էլ չեն ուղարկել դպրոց, դե արձակուրդներ են սկսվում, իսկ այս իրավիճակում անգամ վտանգավոր էր ուղարկել։ Քաղաքում անոմալ իրավիճակ էր գիշերը, առավոտյան էլ խուճապ»,- նշեց ալավերդցի մեր զրուցակիցը։
Նա նշեց, որ դպրոցներում առավոտյան հոսանք չի եղել, սակայն, աշխատանքներ տարվում են, անգամ գիշերը այդ ուժեղ ձյան ժամանակ աշխատանքներ տարվել են, որ հոսանքազրկումից հանեն քաղաքները, սակայն, ուժեղ երկրաշարժից ծառեր են ընկել, վնասվել են լարերը, և կրկին հոսանքազրկել քաղաքները։
«Անգամ հեռախոսակապ չկար, չէինք կարողանում զանգել իրար, շատերի մոտ էլ հեռախոսն անջատվել էր չլիցքավորելու պատճառով։ Աշխատանքները շարունակվում են, որ Ալավերդին հոսանքազրկումից հանեն, որովհետև կան թաղամասեր, որտեղ դեռ հոսանքազրկված են բնակելի շենքերը։ Կարծես մեր գլխին գալովի է»,- նեղսրտեց նա։
Մեր զրուցակիցը հիշեցրեց անցյալ տարվա ջրհեղեղները Լոռու մարզում և շարունակեց նեղսրտել՝ միշտ Լոռու ու Տավուշի մարզերն են ամենից շատ տուժում։
«Ջրհեղեղ եղավ, քաղաքները ավիրվեցին, երկրաշարժը դարձել է սովորական երևույթ՝ գրեթե ամեն ամիս երկրաշարժներ են լինում... մի ձյուն ա գալիս, հոսանքազրկվում են քաղաքները, արդեն չենք հասկանում՝ ի՞նչ է կատարվում մեր մարզում, ինչո՞ւ հենց մեր մարզը»,- նշեց նա։
Մարիաննա Արամյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ