Կրկնակի շահում. ինչպես են արևային վահանակները բարելավում տեղական էկոհամակարգերը Չինաստանում

Չինաստանը գտել է «մաքուր» էներգիա արտադրելու արդյունավետ լուծում, գրել է jeuxvideo-ն, գրում է pravda.ru-ն: Երկիրն օգտագործում է չորային տարածքներ, ինչն անգամ նպաստում է էկոհամակարգի բարելավմանը: Սիան տեխնոլոգիական համալսարանի գիտնականների կողմից իրականացված հետազոտությունը, որը հրապարակվել է Scientific Reports ամսագրում, ցույց է տվել, որ անապատում արևային տնտեսությունները դրական ազդեցություն են ունենում միկրոկլիմայի, հողի որակի և բուսականության վրա:

Այդ եզրակացությանը հանգելու համար գիտնականներն օգտագործել են Եվրոպական շրջակա միջավայրի գործակալության կողմից առաջարկված DPSIR մոդելը՝ վերլուծելով 57 ցուցանիշ։ Արդյունքները ցույց են տվել, որ Թարլատան անապատում գտնվող Qinghai-Gonghe արևային պարկը զգալի օգուտներ է բերել տեղական բուսական աշխարհին, որի ընդհանուր էկոլոգիական ազդեցությունը գնահատվել է 0,4393, մինչդեռ հարևան տարածքներն ավելի ցածր միավորներ են ունեցել:

Արևային ֆերմաների դրական ազդեցությունը բացատրվում է նրանով, որ արևային մարտկոցների ստվերը բարելավում է միկրոկլիման՝ նվազեցնում է մթնոլորտային ճնշումը և ավելացնում խոնավությունը, ինչն իր հերթին նպաստում է բուսականության աճին և հողում միկրոօրգանիզմների զարգացմանը:

Այսպիսով, արևային տնտեսությունները ոչ միայն էներգիա են արտադրում, այլ նաև օգնում են չորային շրջանների վերականգնմանը։ Սա ընդգծում է արևային և այլ վերականգնվող էներգիայի աղբյուրների համար վայրերն ուշադիր ընտրելու անհրաժեշտությունը, որպեսզի ապահովվի դրանց ազդեցությունն էկոհամակարգերի վրա հնարավորինս դրական:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]