«Կամուրջ» քաղաքացիական նախաձեռնությունը խստորեն դատապարտում է Սարիկ Մինասյանի սուտ և շինծու հայտարարությունը
Ղարաբաղն այնքան վատ տեղ էր, որ գյումրեցիները փող էին տալիս , որ իրենց երեխաները չծառայեն Ղարաբաղում…
Ո՛չ, սա թուրքերի կողմից շրջանառության մեջ դրված թեզ չէ: Սա "Քաղաքացիական պայմանագիր" կուսակցության Գյումրու ավագանու ցուցակը գլխավորող քաղաքապետի թեկնածու Սարիկ Մինասյանի տեսակետն է, որը հնչեցրել է երեկ Հանրային հեռուստաընկերության ուղիղ եթերում: Այս հայտարարությունը մեծ զայրույթ է առաջացրել հայ հասարակության մեջ, քանզի ուղղակի վիրավորանք է պարունակում ոչ միայն Արցախի և արցախահայության հանդեպ , այլեւ նսեմացնում է այն հազարավոր գյումրեցիների հերոսությունը և սխրանքները, որ նրանք ցուցաբերել են թե՛ Արցախյան ազգային-ազատագրական պայքարի ընթացքում, թե՛ 44 օրյա պատերազմի ժամանակ։
Հարկ ենք համարում հիշեցնել "Քաղաքացիական պայմանագիր" կուսակցության թեկնածուին` Սարիկ Մինասյանին , որ մասնավորապես գյումրեցիները և արցախցիները միշտ և բոլոր ժամանակներում եղել են հայ ժողովրդի առաջին շարքերում բոլոր փորձությունների ժամանակ։ Գոյություն չունի գեթ մեկ պատերազմ կամ ճակատամարտ , որտեղ արցախցիները և գյումրեցիները ,կողք կողքի չլինեին առաջին շարքերում: Սարդարապատի, Բաշ Ապարանի ճակատամարտերը , Արցախի ազատագրական պայքարը ամենացայտուն օրինակներն են։
<<Կամուրջ>> քաղաքացիական նախաձեռնությունը խստորեն դատապարտում է Սարիկ Մինասյանի այս սուտ և շինծու հայտարարությունը , քանզի այս կարգի "մտքի գոհարները" հանդիսանում են հայ ժողովրդին կրկին բաժանելու "ղարաբաղցի հայաստանցի" և "սև սպիտակ" հակահայկական տրամաբանության ներքո։
Այս միջադեպը , կարելի է որակել, որպես հային հայի դեմ հակադրելու անընդունելի քաղաքականության շարունակություն, որն իր հերթին հանդիսանում է լրջագույն խոչընդոտ հայկական հասարակության մեջ հանրային համերաշխության հասնելու գործընթացում։ Համոզված ենք , որ միասնականության շնորհիվ հնարավոր է հաղթահարել բոլոր դժվարությունները և դուրս գալ այս սարսափելի վիճակից, որի մեջ հայտնվել է մեր հայրենիքը:
<<Կամուրջ>> քաղաքացիական նախաձեռնություն
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...