Նոր մանրամասներ՝ այսօր տեղի ունեցած երկրաշարժի մասին

Ապրիլի 4-ին՝ տեղական ժամանակով 04:19:56-ին (ըստ Գրինվիչի 00:19:56), հայ-ադրբեջանական սահմանային գոտում՝ ՀՀ Սյունիքի մարզի Կապան քաղաքից 15 կմ հյուսիս-արևելք, արձանագրվել է M=3.0 մագնիտուդ ուժգնությամբ, օջախի 8 կմ խորությամբ երկրաշարժ:

Երկրաշարժի էպիկենտրոնի աշխարհագրական կոորդինատներն են՝ հյուսիսային լայնության՝ φ=39.270N, արևելյան երկայնության՝ λ=46.560E: Էպիկենտրոնային գոտում սեյսմիկ ազդեցությունն, ըստ MSK-64 սանդղակի, գնահատվել է 5 բալ ուժգնությամբ:

Երկրաշարժն արձանագրվել է ՀՀ ԳԱԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտի սեյսմաերկրադինամիկ ցանցի կողմից։