Ճապոնիայում արհեստական ​​կղզիների վրա կառուցված օդանավակայանը ծովի տակ անցնելու վտանգի առջև է

Ճապոնական Կանսայի միջազգային օդանավակայանը, որը գտնվում է Օսակա ծովածոցի երկու արհեստական ​​կղզիների վրա, ջրի տակն անցնելու վտանգի առաջ է կանգնել ենթակառուցվածքների ծանրության պատճառով։ 20 միլիարդ դոլար արժողությամբ օդանավակայանը բացվել է 1994 թվականին և ներկայումս սպասարկում է տարեկան ավելի քան 30 միլիոն ուղևորի։ Այն կապվում է մայրցամաքային Ճապոնիայի հետ 3,75 կմ երկարությամբ կամրջով։ Այս մասին գրում է Bild-ը:

Այն նախատեսված է նույնիսկ երկրաշարժերին դիմակայելու համար. թռիչքուղիները կառուցված են ասֆալտբետոնե հատուկ խառնուրդով, որը թույլ է տալիս դրանց թեքվել և դեֆորմացվել: Բայց հիմնական խնդիրն այն է, որ օդանավակայանի ծանրությունը ճնշում է ծովի հատակին, որը կազմված է տիղմից ու ցեխից, և այն սկսում է թուլանալ։

Ինժեներները ակնկալում էին, որ օդանավակայանի շահագործման առաջին տարիներին այն 50 տարվա ընթացքում 8 մետրով ջրի տակ կանցնի, սակայն բացման պահին այդ ցուցանիշն արդեն գերազանցվել է: Այսօր օդանավակայանն արդեն խորասուզվել է 11,5 մետրով. մինչև 2056 թվականը կառույցը կարող է ամբողջովին ջրի տակն անցնել:

Կանսայի օդանավակայանն ունի աշխարհի ամենաերկար տերմինալային շենքը՝ 1,7 կիլոմետր: Այն նաև հայտնի է ուղեբեռի բեռնաթափման իր ռեկորդով. այստեղ երբևէ որևէ ուղևոր իր ուղեբեռը չի կորցրել: