Թուրքիան կես գրամ հետ չի կանգնել իր պայմաններից
Նախօրեին Անթալիայի դիվանագիտական համաժողովի շրջանակներում կայացել է Հայաստանի և Թուրքիայի արտգործնախարարների հանդիպումը, ըստ ՀՀ ԱԳՆ-ի, քննարկել են Հայաստան-Թուրքիա երկկողմ օրակարգի ընթացիկ հարցերը։ Միրզոյանն ու Ֆիդանը մտքեր են փոխանակել տարածաշրջանային և միջազգային զարգացումների շուրջ։ Հաղորդագրությունն այսքանով ավարտվում է։ Փակ հանդիպման և քննարկված այլ հարցերի վերաբերյալ ոչ Հայաստանի ԱԳՆ-ն, ոչ էլ Թուրքիայի համապատասխան գերատեսչությունն այլ մանրամասներ չեն ներկայացրել։
Թուրքական լրատվամիջոցներին տված հարցազրույցում Միրզոյանը հայտարարել է, թե երկու կողմերն էլ ըմբռնում ունեն, որ վերջնական արդյունքն ու խնդիրը հարաբերությունների լիակատար կարգավորումն է, ներառյալ դիվանագիտական հարաբերությունների հաստատումն ու սահմանների լրիվ բացումը։ Արարատ Միրզոյանի այս խանդավառությունն ամենևին էլ հիմքեր չունի։ Տակավին դրանից մեկ օր առաջ նույն Անթալիայում կայացել էր Թուրքիայի և Ադրբեջանի նախագահների հանդիպումը։ Էրդողանն Ալիևին ասել էր, թե Թուրքիան շարունակում է Հայաստանի հետ հարաբերությունների համակարգված կարգավորման գործընթացը` փաստացի ակնարկելով, որ քանի դեռ հայ-ադրբեջանական հարաբերությունները կարգավորված չեն, Թուրքիայի կողմից որևէ կարգավորում սպասել չարժե։
Անկարան մշտապես հայ-թուրքական հարաբերությունների կարգավորումը կապել է հայ-ադրբեջանական հարաբերությունների կարգավորման հետ, և քանի դեռ Հայաստանը վերջնականապես չի կապիտուլացվել, Թուրքիայի հետ հարաբերությունների որևէ կարգավորում չի լինելու։ Մյուս կողմից էլ հայկական դիվանագիտությունն ու իշխանական քարոզչամեքենան փորձում են հանրությանը համոզել, թե Թուրքիայի և Ադրբեջանի մեջ ինչ-որ երևակայական խնդիրներ կան, որոնք թույլ կտան կարգավորել հարաբերությունները Թուրքիայի հետ։ Անթալիայի դիվանագիտական ֆորումը լավ հնարավորություն էր հերթական անգամ բացահայտելու Հայաստանի իշխանությունների կեղծիքը։ Ըստ այդմ, Թուրքիան որևէ կերպ շահագրգռված չէ բացելու սահմանները։ Դա է վկայում արդեն 2 տարուց ավելի ձեռք բերված պայմանավորվածությունը, որը մինչ օրս թուրքական կողմը չի կատարել։
Լիլիթ Բակունց
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ