Բրազիլացիները բազմահազարներով անցնում են արևային էներգիայի. ի՞նչն է նրանց գրավում

էներգիայի գեներացման շուկան շարունակում է մնալ Բրազիլիայի տնտեսության ամենակայուն ոլորտներից մեկը՝ չնայած հիմնական տնտեսական ցուցանիշների տատանումներին: Նույնիսկ Selic-ի բազային տոկոսադրույքի բարձրացումը և դոլարի ամրապնդումը չեն թուլացրել հետաքրքրությունն արևային էներգիայի նկատմամբ: Արևային սարքավորումների ցածր ծախսերը և վարկավորման բարելավված պայմաններն արևային վահանակների տեղադրումը դարձրել են շահավետ ներդրում ինչպես ձեռնարկությունների, այնպես էլ մասնավոր տների սեփականատերերի համար, գրում է pravda.ru–ն:

Ներկայիս իրավիճակն ու հեռանկարները հասկանալու համար Canal Solar-ը հարցազրույց է վերցրել Meu Financiamento Solar հարթակի գործադիր տնօրեն Կարոլինա Ռեիսի հետ: Այդ ծառայությունը հանրապետությունում խոշորագույններից է արևային էներգիայի համար վարկեր տրամադրելու գործում։

Ըստ Կարոլինա Ռեիսի՝ Selic-ի կտրուկ աճը և դոլարի վերջին թռիչքը, անշուշտ, ազդեցություն են ունեցել Բրազիլիայի մակրոտնտեսության վրա, սակայն արևային շուկան շարունակում է աճել՝ չնայած այդ գործոններին: «Արևային սարքավորումների մեծ մասը ներմուծվում է Չինաստանից և ասիական այլ երկրներից, որտեղ արտադրության տեխնոլոգիաները մշտապես բարելավվում են, իսկ մրցակցությունը նվազեցնում է գները: Դա թույլ է տվել, որ Բրազիլիայում վահանակների արժեքը երեք տարում իջնի 60 տոկոսով՝ 0,23 դոլարից մինչև 0,08 դոլար մեկ վտ-ի համար», - նշել է նա:

Բացի ավելի մատչելի լինելուց, սարքավորումները շատ ավելի արդյունավետ են դարձել։ Երկրի արևային ճառագայթման բարձր մակարդակի հետ միասին դա մեծացնում է ներդրումների վերադարձելիությունը: Բացի այդ, էլեկտրաէներգիայի սակագնի պարբերական բարձրացումներն էլ ավելի են արդարացնում  արևային մարտկոցներում ներդրումները։

Իսկ ի՞նչ սպասել 2025 թվականից: Բրազիլիայում արևային էներգիայի շուկան կշարունակի աճել առաջիկա տարիներին: Ինչպես նշել է Կարոլինա Ռեյսը, արևային արտադրության մեջ ներդրումների վերադարձը զգալիորեն աճել է։ Եթե ​​2022 թվականին ներդրումների վերադարձը տարեկան մոտ 20 % էր, ապա այսօր այդ ցուցանիշը հասել է 35-45 %-ի։ Դա նշանակում է, որ նույնիսկ բարձր տոկոսադրույքների դեպքում արևային էներգիան մնում է ներդրումների ամենագրավիչ ձևերից մեկը։

Ռեյսի խոսքով, նոր վարկային լուծումները լրացուցիչ խթան կհաղորդեն ոլորտի զարգացմանը։ Meu Financiamento Solar հարթակն օգտագործում է ռիսկերի վրա հիմնված ֆինանսավորման համակարգ, այսինքն որքան բարձր է վարկառուի վարկային վարկանիշը, այնքան ցածր է տոկոսադրույքը: Շատ դեպքերում վարկի ամսական վճարումը ցածր է էլեկտրաէներգիայի վրա խնայված գումարից։

Իսկ ինչպե՞ս պահպանել շահութաբերությունը բարձր տոկոսադրույթների պայմաններում: Մասնագետները խորհուրդ են տալիս ուշադիր ընտրել վարկավորման պայմանները և վերլուծել բոլոր առաջարկները։ 2024 թվականին Meu Financiamento Solar-ի միջոցով ֆինանսավորվող նախագծերի մեծ մասը 5,5-ից 8,2 կՎտ հզորությամբ արևային համակարգերն են եղել: Այդ կայանքները, որոնք նախատեսված են մասնավոր տների համար, թույլ են տվել սեփականատերերին ամսական խնայել 500-ից մինչև 800 ռեալ ամսեկան:

Ռիսկերը նվազագույնի հասցնելու համար Կարոլինա Ռեյսը խորհուրդ է տալիս ուշադրություն դարձնել մի քանի հիմնական գործոնների.

–ընտրել վստահելի մատակարարներ և ինտեգրատորներ, ընկերությունը պետք է ունենա հաջող տեղադրման փորձ և հաճախորդների դրական կարծիքներ:

–Ճիշտ հաշվարկել համակարգը: Այն պետք է հաշվի առնի ընթացիկ և կանխատեսվող էներգիայի սպառումը, տարածաշրջանում արևային ճառագայթման մակարդակը և տանիքի կամ տեղադրման վայրի բնութագրերը:

–Գնահատել վարկի պայմանները: Կարևոր է, որ վարկի ամսական վճարումը չգերազանցի էլեկտրաէներգիայի վճարների վրա խնայված գումարը։

Չնայած բարձր տոկոսադրույքներին արևային էներգիայի ֆինանսավորման նկատմամբ բանկերի հետաքրքրությունը մնում է կայուն։ Meu Financiamento Solar-ն ամեն ամիս ստանում է շուրջ 450 դիմում ընկերություններից, ովքեր ցանկանում են իրենց հաճախորդներին վարկային լուծումներ առաջարկել արևային մարտկոցներ գնելու համար: «Գործընկերության հայտերի ավելի քան 70 %-ը գալիս է նոր ինտեգրատոր ընկերություններից, ինչը հաստատում է շուկայի աճը և սպառողների համար հնարավորությունների ընդլայնումը», - նշելմ է Ռեյսը:

Արևային էներգիան շարունակում է ժողովրդականություն վայելել Բրազիլիայում, քանի որ սարքավորումների ծախսերը նվազում են և ֆինանսավորման բարենպաստ պայմաններն այն հասանելի են դարձնում ավելի ու ավելի շատ տների սեփականատերերի և բիզնեսների համար: Չնայած ծանր տնտեսական իրավիճակին՝ փորձագետները վստահ են, որ այդ շուկան ոչ միայն կպահպանի իր դիրքերը, այլ նաև 2025 թվականին կշարունակի կայուն աճել։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]