Երգ, պար, զարդարված սեղաններ. «Մուրզիլկա» մանկապարտեզում մեծ շուքով նշվեց Սուրբ Զատիկը (լուսանկարներ, տեսանյութ)
Գունեղ միջավայր՝ զատկական ուտեստներով, զարդարված սեղաններ, երգ, պար, բեմականացված խաղիկներ ու ամենակարևորը՝ մեծ ոգևորություն ու տոնական տրամադրություն, որոնց հաղորդակից էին նաև միջոցառմանը ներկա հյուրերը: «Մուրզիլկա» մանկապարտեզում թևածում էր տոնական մթնոլորտը: Միջոցառման գլխավոր թեման՝ Սուրբ Զատիկն էր՝ Հիսուս Քրիստոսի հրաշափառ հարության տոնը: Մանկապարտեզի սաները, դաստիարակչական կազմի ու տնօրինության գլխավորությամբ՝ ամենայն մանրակրկտութամբ են պատրաստվել տոնական միջոցառմանը: Միջոցառման բացման խոսքն իհարկե վերապահված էր հոգևորականին: Տերունական աղոթքով ու օրհնությամբ սկսվեց հանդիսությունը:
Մանկապարտեզի դաստիարակ Լուսինե Բեգլարյանի խոսքով՝ իրենց կողմից խնդիր են ունեցել Հայ առաքելական եկեղեցու կարևորագույն տոներից մեկի՝ Զատկի հոգևոր իմաստը ուսուցանել երեխաներին, ինչու ոչ նաև ծնողներին, որը հաջողությամբ կատարել են:
Այսպիսի միջոցառում կազմակերպել են առաջին անգամ, որտեղ ներգրավված են նաև երեխաների ծնողները, ովքեր անգամ աչքի ընկան իրենց երաժշտական կատարումներով: Բակում՝ տարբեր տաղավարներում, ներկայացված էին երեխաների ծնողների թխած զատկական ուտեստները:
Կարևորելով արցախցիների ներգրավվածությունը միջոցառմանը՝ մանկապարտեզի տնօրեն Լուսինե Հովհաննիսյանն ասաց, որ կարևորում են ազգայինը, քանի որ, եթե ոչ երեխաները, ապա ով պետք է պահի մեր ազգային արժեքները. «Արցախին չանդրադառնալ չէինք կարող, Արցախին չանդրադառնալ, նշանակում է չհիշել մեր ակունքները, մեր հիմնական արմատները, կարծում եմ դա մեր առաջնային խնդիրն է հիմա, որ սերունդների մեջ էլ սերմանենք այն արժեքները, որով մենք մեծանում ենք»,- ասաց Հովհաննիսյանը:
Միջոցառումը եզրափակվեց զատկական տոնին բնորոշ «ձու կռվեցնելու» ավանդույթով, որից հետո ժյուրիի անդամները՝ տալով համապատասխան գնահատականներ՝ միջոցառման մասնակիցներին շնորհեցին պատվոգրեր:
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Մասկա օպերացիա». իրավապահները հրահանգ են ստացել. «Հրապարակ»
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր