Կոնվերս Բանկը միանում է Ասիական զարգացման բանկի կանաչ ֆինանսավորման հանձնառությանը
Կոնվերս Բանկը հայտարարում է Ասիական զարգացման բանկի (ԱԶԲ) «Կանաչ ֆինանսավորման խթանում կայուն զարգացման համար» տեխնիկական աջակցության ծրագրին միանալու մասին:
Համապատասխան փաստաթուղթը ստորագրվել է սույն թվականի մայիսի 7-ին Կոնվերս Բանկի ֆինանսական տնօրեն, գլխավոր գործադիր տնօրենի տեղակալ Հրանտ Հակոբյանի և ԱԶԲ մասնավոր հատվածի ֆինանսական հաստատությունների տնօրեն Ասիֆ Չիմայի կողմից:
«Կանաչ ֆինանսավորման խթանում կայուն զարգացման համար» տեխնիկական աջակցության ծրագիրը ԱԶԲ-ի կողմից իրականացվող տարածաշրջանային նախաձեռնություն է, որը նպատակ ունի ծրագրի մասնակից ֆինանսական կազմակերպությունների միջոցով խթանել կանաչ բանկինգը Հայաստանում և Վրաստանում՝ նպաստելով տարածաշրջանում տնտեսական աճին ու շրջակա միջավայրի պահպանմանը: Ծրագիրը Կոնվերս Բանկին կտրամադրի անհրաժեշտ գործիքակազմ կայուն ֆինանսավորմանը աջակցելու համար:
«Կանաչ ֆինանսավորումը մեր Բանկի ռազմավարական առաջնահերթություններից է: Մեր առջև դրված հավակնոտ նպատակներին հասնելու համար ռազմավարության ներքո անընդհատ զարգացնում և ընդլայնում ենք տարբեր ձևաչափերով համագործակցությունը միջազգային ֆինանսական կազմակերպությունների հետ։ Այս նախաձեռնությունը հերթական կարևոր քայլն է այդ ուղղությամբ: ԱԶԲ հետ համաձայնագրի շնորհիվ մենք կկարողանանք զարգացնել մեր ինստիտուցիոնալ կարողությունները՝ առաջարկելով նորարարական կանաչ լուծումներ, որոնք կօգնեն մեր հաճախորդներին անցում կատարել դեպի ավելի կայուն ու սոցիալապես պատասխանատու գործունեություն»,- նշել է Կոնվերս Բանկի ֆինանսական տնօրեն Հրանտ Հակոբյանը։
Համագործակցության շրջանակներում Բանկը կբարելավի ներքին ընթացակարգերը և բնապահպանական ու սոցիալական ռիսկերի կառավարումը, ինչպես նաև կներդրվեն նոր, կանաչ վարկային պրոդուկտներ, որոնց վերջնական շահառուն կլինի սոցիալապես պատասխանատու բիզնեսը:
Կոնվերս Բանկը վերահսկվում է ՀՀ կենտրոնական բանկի կողմից:
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»