Կենսաբազմազանության խնդիրները լուծողներից մեկը հենց հանքարդյունաբերությունն է (տեսանյութ)

Հայաստանը պատրաստվում է հյուրընկալել 2026-ին կայանալիք Կենսաբազմազանության մասին Կոնվենցիայի կողմերի 17-րդ համաժողովը՝ COP 17-ը, որին կմասնակցեն ներկայացուցիչներ աշխարհի տարբեր երկրներից։

Մինչ այդ մեր երկիրը կմասնակցի Բրազիլիայում կայանալիք COP 30-ին։

Հայաստանում Կայուն զարգացման համաժողովի շրջանակներում այսօր հավաքվել էին ամենատարբեր ոլորտների ներկայացուցիչներ՝ քննարկելու թե ինչպես կարող է Հայաստանը համահունչ լինել գլոբալ կայուն զարգացման օրակարգերին, ամրապնդել իր դիրքը որպես բնապահպանական առաջնորդ և ձևավորել իր ճանապարհային քարտեզը՝ COP 17-ին ընդառաջ։

Մասնակիցներից էր նաեւ Զանգեզուրի Պղնձամոլիպդենային կոմբինատը։

ԶՊՄԿ կայուն զարգացման գծով տնօրեն Արմեն Ստեփանյանի խոսքով՝ կենսաբազմազանությունը կարեւորագույն ոլորտ է, որի կորուստները մեծ ռիսկ են առաջին հերթին հանքարդյունաբերության համար։

Հանքարդյունաբերությունը որպես կայուն զարգացման ոլորտ ներկայացնելու համար պետք է տարբեր հարթակներ օգտագործել։

«Այսօր այն մարտահրավերները, որ ունի Հայաստանը, մարտահրավերները , որոնց մասին խոսում ենք, որոնց մասով մասնակցելու ենք Բրազիլիայում COP-30-ին, էդ խնդիրները լուծողներից, կարեւորագույն խաղացողներից մեկը հենց հանքարդյունաբերությունն է»,- ասաց նա։