Բրիտանական առաջընթաց. տիեզերական արևային էներգիան դառնում է իրականություն

Բրիտանական Space Solar ընկերությունը կատարել է տեխնոլոգիական հեղափոխություն՝ հաջողությամբ փորձարկելով տիեզերքից Երկիր անլար էներգիա փոխանցելու համակարգ։ Փորձարկումները ցույց են տվել, որ նրանց տեխնոլոգիան թույլ է տալիս ստանալ 13 անգամ ավելի շատ էներգիա, քան ավանդական ցամաքային արևային վահանակները։ Համակարգը հիմնված է Cassiopeia ուղեծրային արբանյակների վրա, որոնք հագեցած են թեթև ֆոտոէլեկտրական մոդուլներով և անդրադարձնող հայելիներով։

Այս համակարգով էներգիայի ճառագայթը փոխանցվում է 360 աստիճանով՝ առանց շարժվող մասերի, տեխնոլոգիան աշխատում է օր ու գիշեր, անկախ եղանակային պայմաններից, արդյունավետությունը չի նվազում մթնոլորտով անցնելիս, և համատեղելի է այլ վերականգնվող էներգիայի աղբյուրների հետ։ «Տիեզերքում գիշեր, ամպեր կամ մթնոլորտային աղավաղումներ չկան», - բացատրում են ընկերությունում։ «Սա թույլ է տալիս մեր վահանակներին աշխատել առավելագույն արդյունավետությամբ՝ շուրջօրյա»։

Cassiopeia նախագիծը (արժեքը՝ 2.26 մլն դոլար) հաստատել է տեխնոլոգիայի տեխնիկական և տնտեսական կիրառելիությունը. «Մեր ճառագայթն անվտանգ է և ունի ցածր ինտենսիվություն»,- ընդգծում են մշակողները։ «Միաժամանակ, այն գործնականում չի կորցնում էներգիան փոխանցման ընթացքում»։

Space Solar-ը նախատեսում է 5 տարի հետո գործարկել առաջին մեգավատտային համակարգը, 12 տարի հետո հասնել գիգավատտային հզորությունների, 2030 թվականին սկսել առևտրական օգտագործումը։ «Սա մաքուր էներգիայի ոլորտում պարադիգմի փոփոխություն է»,— հայտարարել է ընկերությունը։ «Մենք ստեղծում ենք կայուն և մատչելի էներգիայի աղբյուր ամբողջ աշխարհի համար»։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]