Հանքարդյունաբերությունը` պոլիտեխնիկցիների ուշադրության կենտրոնում (տեսանյութ)

Զանգեզուրի պղնձամոլիբդենային կոմբինատը շարունակում է ակտիվորեն ընդլայնել համագործակցությունը Հայաստանի գիտակրթական հաստատությունների հետ։ Վերջին հանդիպումը կայացավ ընկերության մշտական գործընկերոջ՝ ՀԱՊՀ Կապանի մասնաճյուղի ուսանողների և դասախոսական կազմի հետ։

Սեմինար-հանդիպումը անցավ ակտիվ քննարկումների և անմիջական հարցուպատասխանի ձևաչափով։ Ուսանողներն ուղիղ հարցեր ուղղեցին ԶՊՄԿ ներկայացուցիչներին՝ հանքարդյունաբերության բնագավառում Հայաստանի զարգացման հեռանկարներից մինչև աշխատանքային միջավայր և հնարավոր կարիերա։ Պոլիտեխնիկցիները չթաքցրեցին իրենց վերաբերմունքը․ ԶՊՄԿ-ն Կապանի և Սյունիքի համար ոչ միայն խոշոր արտադրող է, այլև կայուն և գրավիչ գործատու, որտեղ աշխատելու հեռանկարը լուրջ առումով դիտարկվում է որպես մասնագիտական աճի հարթակ։