ՀՀ վարչապետի հետ հանդիպմանը Թուրքիայի նախագահն ընդգծել է Երևանի ու Բաքվի միջև ձեռք բերված համաձայնության կարևորությունը
Հայաստանի Հանրապետության վարչապետ Նիկոլ Փաշինյանի հետ Ստամբուլում ունեցած հանդիպման ընթացքում Թուրքիայի նախագահ Ռեջեփ Թայիփ Էրդողանը ընդգծել է Երևանի ու Բաքվի միջև խաղաղության բանակցություններում ձեռք բերված համաձայնության կարևորությունը։
Այս մասին հայտնում է Anadolu-ն՝ հղում կատարելով Թուրքիայի նախագահի հաղորդակցության վարչության հրապարակված հայտարարությանը։
Նշվում է, որ հանդիպման ժամանակ քննարկվել են Հարավային Կովկասում խաղաղության և երկխոսության հաստատման գործընթացը, ինչպես նաև տարածաշրջանում տեղի ունեցող զարգացումները, մասնավորապես՝ Թուրքիայի և Հայաստանի միջև շփումները։
«Հանդիպման ընթացքում նախագահ Էրդողանը ուշադրություն է հրավիրել Ադրբեջանի և Հայաստանի միջև խաղաղության բանակցություններում ձեռք բերված համաձայնության կարևորության վրա՝ ստեղծված պայմաններում։ Էրդողանը շեշտել է, որ Թուրքիան շարունակելու է ամեն հնարավոր աջակցություն ցուցաբերել տարածաշրջանի զարգացմանն ուղղված ջանքերին՝ փոխշահավետ մոտեցման հիման վրա»,- հայտնել է աղբյուրը։
Հաղորդվում է, որ հանդիպման ընթացքում քննարկվել են նաև Թուրքիայի և Հայաստանի միջև հարաբերությունների կարգավորման գործընթացի շրջանակներում ձեռնարկվելիք հնարավոր քայլերը։
Թուրքիայի նախագահը նշել է, որ Թուրքիան կօգտագործի բոլոր դիվանագիտական միջոցները՝ ոչ միայն Կովկասում, այլև ամբողջ տարածաշրջանում կայունություն հաստատելու համար։
Վարչապետի գլխավորած պատվիրակության կազմում են նաև ՀՀ ԱԳ նախարար Արարատ Միրզոյանը, ԱԳ նախարարի տեղակալ Վահան Կոստանյանը և ՀՀ ԱԺ փոխնախագահ, Հայաստան-Թուրքիա կարգավորման գործընթացում ՀՀ հատուկ ներկայացուցիչ Ռուբեն Ռուբինյանը։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ