«Երաժշտություն հանուն ապագայի» հիմնադրամի կրթաթոշակառուները և «Ծնվել եմ Արցախում» կրթական ծրագրի շաhառուները մասնակցում էին Էդվարդ Ավետիսյանի հիշատակին նվիրված համերգին
Հունիսի 18-ին «Արամ Խաչատրյան» համերգասրահում տեղի ունեցավ համերգ՝ նվիրված անվանի բարերար Էդվարդ Ավետիսյանի հիշատակին։ Համերգի ընթացքում ելույթ ունեցան «Երաժշտություն հանուն ապագայի» հիմնադրամի կրթաթոշակառուները և «Ծնվել եմ Արցախում» կրթական ծրագրի շաhառուները՝ Հայաստանի պետական սիմֆոնիկ նվագախմբի հետ՝ դիրիժոր Սերգեյ Սմբատյանի ղեկավարմամբ։
Երեկոյի ընթացքում հնչեցին Արամ Խաչատրյանի, Էդուարդ Բաղդասարյանի, Միշել Մանգանիի, Պեդրո Իտուրրալդեի, Ռոբերտ Շումանի, Ղազարոս Սարյանի, Ջորջ Գերշվինի, Ալեքսանդր Հարությունյանի, Իգոր Ստրավինսկու/Գվիդո Ագոստիի և Սերգեյ Ռախմանինովի ստեղծագործությունները։
Համերգն իր ներկայությամբ պատվել էր նաև Էդվարդ Ավետիսյանի կինը՝ Պամելա Ավետիսյանը։
Հայազգի բարերար, երաժիշտ Էդվարդ Ավետիսյանը ծնվել է ԱՄՆ-ում։ Նրա ծնողներն Արևմտյան Հայաստանի Խարբերդ քաղաքից էին և ցեղասպանությունից հետո տեղափոխվել էին ԱՄՆ։ Ընտանիքում չորս երեխա էին՝ Փարամազը, Զվարթը, Էդվարդը և Պողոսը։ Էդվարդ Ավետիսյանը, քոլեջում ուսումն ավարտելուց հետո, հանդես է եկել սիմֆոնիկ նվագախմբերի, բալետի և օպերայի երաժիշտների հետ, նվագել է կլառնետ «Boston Pops» նվագախմբում։ Հանդես է եկել նաև Հայաստանի պետական ֆիլհարմոնիկ, Հայաստանի ռադիոյի և հեռուստատեսության, Հայաստանի ազգային կամերային նվագախմբերի հետ։ Նա տարիներ շարունակ դասավանդել է նաև Բոստոնի համալսարանում։
Ավետիսյանը զբաղվել է բարեգործությամբ։ 1999 թվականին նրա միջոցներով Երևանում կառուցվել է «Խորեն և Շուշանիկ Ավետիսյան» դպրոցը, որը կրում է նրա ծնողների անունը։ Այսքանով նրա բարեգործությունները Հայաստանի համար չեն ավարտվել։ Նա ներդրում է կատարել կրթության ոլորտում՝ կարևորելով այն հանգամանքը, որ կրթությունը պետք է լինի մատչելի։ Ավետիսյանը երազում էր ապագա սերունդների համար աշխարհն ավելի լավը դարձնելու մասին։ Ուստի բոլորովին էլ պատահական չէ, որ նրա հիշատակին նվիրված համերգին ելույթ էին ունենում տաղանդավոր պատանիներ, որոնց կրթության շարունակականությունն ապահովվում է հենց «Երաժշտություն հանուն ապագայի» հիմնադրամի, «Ծնվել եմ Արցախում» կրթական ծրագրի և Սերգեյ Սմբատյանի ջանքերով։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ