Աշխարհահռչակ Մարթա Արգերիխը ելույթ կունենա Կապանում
Աշխարհահռչակ դաշնակահարուհի, բազմաթիվ հեղինակավոր մրցանակների, այդ թվում 3 Գրեմմի արժանացած Մարթա Արգերիխը Կապան միջազգային երաժշտական փառատոնի՝ Kapan Fest-ի շրջանակում կայցելի Հայաստան: Այս մասին Aravot.am-ը տեղեկացավ փառատոնի կազմակերպիչներից:
Հայաստանի պետական սիմֆոնիկ նվագախմբից էլ հաստատեցին, որ Մարթա Արգերիխը Kapan Fest-ի շրջանակում Կապանում համերգով հանդես կգա Հայաստանի պետական սիմֆոնիկ նվագախմբի ընկերակցությամբ (գեղարվեստական ղեկավար եւ գլխավոր դիրիժոր Սերգեյ Սմբատյան):
Արդեն երրորդ անգամ անցկացվող Kapan Fest-ն այս տարի կկայանա հուլիսի 4-15-ը, այն տաղանդավոր երիտասարդներին հնարավորություն է ընձեռում աշխատել հայտնի երաժիշտների հետ, ձեռք բերել արժեքավոր փորձառություն։
Այս տարի միջազգային փառատոնին մասնակցում են շնորհալի երիտասարդներ ոչ միայն Հայաստանից, այլեւ Պորտուգալիայից, Սլովակիայից, Ռուսաստանից, Դանիայից: Փառատոնն անցկացվում է ԿԳՄՍ նախարարության, Կապանի քաղաքապետարանի, Զանգեզուրի պղնձամոլիբդենային կոմբինատի եւ այլ գործընկերների աջակցությամբ:
Փառատոնը միշտ հագեցած ծրագրեր է ունենում՝ դասական երաժշտությունից ու ջազից մինչեւ հազվագյուտ ցուցադրություններ եւ համբավավոր երաժիշտների վարպետաց դասեր։
Գոհար ՀԱԿՈԲՅԱՆ
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
«Ժողովուրդ» . «Ուժեղ Հայաստան»-ը պատրաստվում է առաջին քաղաքական մարտերին. Փակ հանդիպում ղեկավարի հետ
ՀՀ-ում առաջին անգամ Քաջարան-Ագարակ հատվածում կամուրջների հեծանները մոնտաժվում են կախովի հեծանատեղադր...
«Գազպրոմ Արմենիա»-ն հայտարարություն է տարածել