Ավստրալիան կկառուցի աշխարհի ամենամեծ արևային էլեկտրակայանը

Ավստրալիայի կառավարությունը շրջակա միջավայրի թույլտվություն է տվել 30 միլիարդ ավստրալիական դոլար (19 միլիարդ ԱՄՆ դոլար) արժողությամբ արևային էլեկտրակայանի կառուցման համար: Կայանը կկառուցի ավստրալիական Sun Cable ընկերությունը: Նախագծի համաձայն՝ կայանի տարածքը կկազմի մոտ 12,400 հեկտար:

Արտադրված էլեկտրաէներգիան 800 կմ երկարությամբ օդային էլեկտրահաղորդման գծով կփոխանցվի հյուսիսային Ավստրալիայում գտնվող Դարվին քաղաք, ապա 4300 կմ երկարությամբ ստորջրյա կաբելով կարտահանվի Սինգապուր՝ հասնելով խոշոր արդյունաբերական սպառողներին: Australia-Asia PowerLink նախագիծը նախատեսում է տարեկան մինչև 6 գիգավատտ կանաչ էներգիայի մատակարարում:
Ավստրալիայի շրջակա միջավայրի նախարար Թանյա Պլիբերսեկը նշել է, որ դա «կօգնի Ավստրալիային վերափոխվել վերականգնվող էներգիայի գերտերության և խթանել նրա տնտեսությունը»: «Սա կլինի աշխարհի ամենամեծ արևային էլեկտրակայանը, որն Ավստրալիային կդարձնի կանաչ էներգիայի գլոբալ առաջատար», - ասել է Պլիբերսեկը:

SunCable Australia-ի գործադիր տնօրեն Քեմերոն Գարնսվորթին հայտնել է, որ էլեկտրաէներգիայի մատակարարումը կսկսվի 2030-ականների սկզբին:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]