Երեկ «ՀայաՔվեի» եվրոպական շրջագայության շրջանակներում ոչ պաշտոնական հանդիպում ունեցանք Ժիլբեր-Լյուկ Դեվինազի և Գևորգ Քեփենեկյանի հետ․ Չալաբյան

Հանդիպման ընթացքում քննարկել ենք հայ-ֆրանսիական հարաբերությունների ներկա վիճակը, Հայաստանի շուրջ և տարածաշրջանում սրված անվտանգային խնդիրները և դրանց հնարավոր լուծումները, Հայաստանում ընդգծված հակաժողովրդավարական զարգացումները և Ֆրանսիայի իշխանությունների կողմից դրանց ակնհայտ անբավարար արձագանքը:

Հանդիպումը տևեց 3 ժամից ավել, մեր զրուցակիցները ընդգծված հետաքրքրություն էին դրսևորում՝ հասկանալու մեր մոտեցումները և ինչու ենք մենք հակադրված Հայաստանի գործող իշխանությանը, որը վերջին տարիներին զգալի աջակցություն է վայելում Ֆրանսիայում:

Արդյունքում պայմանավորվեցինք ակտիվացնել մեր երկխոսությունը, հանդիպումներն ու քննարկումները դարձնել պարբերական՝ իրար մեր երկրներում տեղի ունեցող գործընթացների օբյեկտիվ պատկերը ներկայացնելու և համագործակցության հետագա հնարավորությունները զարգացնելու նպատակով: