Ռուսաստանի՝ Եվրոպայի հետ սահմանին «պայթուցիկ երկաթյա վարագույր» է ստեղծում․ DT

Ֆինլանդիան, Լեհաստանը և Բալթյան երկրները իրենց սահմաններին հակահետևակային ականներից «նոր պայթուցիկ երկաթե վարագույր» են ստեղծում՝ Ռուսաստանի կողմից հնարավոր հարձակման դեպքում։ Այս մասին հաղորդում է բրիտանական The Daily Telegraph թերթը։

«Ֆինլանդիայի ամենահյուսիսային սահմաններից Լապլանդիայից մինչև Լեհաստանի արևելքում գտնվող Լյուբլինի վոյևոդությունը, Եվրոպայի վրա նոր և պայթուցիկ երկաթե վարագույր է իջնելու», - ասվում է տեքստում։

Տեքստից հետևում է, որ Ֆինլանդիան, Էստոնիան, Լատվիան, Լիտվան և Լեհաստանը հայտարարել են 1997 թվականի Օտտավայի հակահետևակային ականներն արգելող Օտտավայի կոնվենցիայից դուրս գալու մասին, քանի որ որոշել են, որ Ռուսաստանին զսպելը «պահանջում է պաշտպանական միջոցառումներ, որոնք մի ժամանակ անհնար կլինեին»։

«Անհրաժեշտության դեպքում նրանք իրենց սահմանների երկայնքով գտնվող սոճու և կեչու հանգիստ անտառներում միլիոնավոր ականներ կցանեն՝ զենք, որը մի ժամանակ այնքան զզվելի էր համարվում, որ աշխարհի մեծ մասը փորձում էր այն ընդմիշտ արգելել», - գրում է թերթը։

Ապրիլին Ֆինլանդիայի արտաքին գործերի նախարար Էլինա Վալտոնենը հայտարարել է, որ երկրի դուրս գալը հակահետևակային ականներն արգելող Օտտավայի կոնվենցիայից հեշտ որոշում չէր։ Նրա խոսքով՝ Ֆինլանդիայի հնարավոր դուրս գալը կոնվենցիայից չի թուլացնում Հելսինկիի հանձնառությունը միջազգային պայմանագրային համակարգին։