Վահե Մելիքսեթյան Հիմնադրամը Կմասնակցի Հայկական Բժշկական Համաշխարհային Կոնգրես 2025-ին
Վահե Մելիքսեթյան Հիմնադրամը կմասնակցի հուլիսի 3-5-ը Մադրիդում կայանալիք Հայկական բժշկական համաշխարհային կոնգրես 2025-ին (AMWC2025)։
Հիմնադրամը հանդես կգա «ՀՀ առողջապահության վերափոխումը․ կլինիկական դեղագետների ռազմավարական ինտեգրումը» թեմայով սիմպոզիումով և պանելային քննարկմամբ, որն ուղղված կլինի կլինիկական դեղագետների դերի ու ներուժի բացահայտմանը՝ որպես առողջապահական բարեփոխումների հիմնասյուն։ Թեման ընդգրկում է կրթական բարեփոխումների, քաղաքական և օրենսդրական մեխանիզմների ուսումնասիրություններ, ինչպես նաև միջազգային լավագույն փորձի վերլուծությունը՝ Հայաստանում կիրառելու նպատակով։ Առանձին զեկույցներով հանդես կգան առաջատար մասնագետներ ԱՄՆ-ից, Մեծ Բրիտանիայից, Նորվեգիայից, ինչպես նաև ԱՀԿ-ից (Առողջապահության համաշխարհային կազմակերպություն):
Վահե Մելիքսեթյան հիմնադրամի գործադիր տնօրեն Սարգիս Մելիքսեթյանն իր խոսքում նշեց.
«Մեր մասնակցությունն այս կարևորագույն համաժողովին լավ հնարավորություն է ներկայացնելու մեր կատարած աշխատանքը միջազգային մասնագիտական հանրությանը, հաստատելու նոր գործընկերություններ և ամրապնդելու գիտական համագործակցությունը ՀՀ-ում կլինիկական դեղագիտության զարգացման նպատակով»։
AMWC2025-ի նախագահ Լիլիան Գրիգորյանն իր խոսքում նշեց.
«Սիրով հրավիրում եմ ձեզ միանալ AMWC 2025-ին, որը, հանդիսանալով գիտական քննարկումների, նորարարությունների և միջազգային համագործակցության կենտրոն, կանցկացվի «Բժշկությունն առաջընթացի մեջ. Գիտական ձեռքբերումները գործողությունների վերածելով» կարգախոսի ներքո»։
«Վահե Մելիքսեթյան» հիմնադրամի մասին
«Վահե Մելիքսեթյան» հիմնադրամը ստեղծվել է 2021 թվականին՝ Հայաստանում կլինիկական դեղագիտությունը զարգացնելու նպատակով։ Հիմնադրամի առաքելությունն է կյանքի կոչել 2020 թվականի Արցախյան պատերազմում զոհված խոստումնալից կլինիկական դեղագետ, գիտնական, ԵՊԲՀ Կլինիկական ֆարմակոլոգիայի ամբիոնի դասախոս, և պարզապես հայրենասեր ու օրինակելի հայի՝ Վահե Մելիքսեթյանի մասնագիտական երազանքը։ 4 տարվա ընթացքում Հիմնադրամը ՀՀ կրթական և գիտահետազոտական ոլորտներում իրականացրել է ավելի քան 41,000,000 ՀՀ դրամի ներդրում:
Հայկական բժշկական համաշխարհային կոնգրեսի մասին (AMWC2025)
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ