Ուկրաինայում ռազմական դրությունը կերկարաձգվի 90 օրով․ Ռադայի պատգամավոր

Ուկրաինայում ռազմական դրությունը կրկին կերկարաձգվի 90 օրով, սա վերաբերում է նաև ընդհանուր զորահավաքին։ Այս մասին հայտնել է Ռադայի պատգամավոր Յարոսլավ Ժելեզնյակը, փոխանցում է РБК-Украина-ն։

«Հաջորդ լիագումար շաբաթվա ընթացքում խորհրդարանը կրկին՝ արդեն 16-րդ անգամ, կքվեարկի ռազմական դրության երկարաձգման և համընդհանուր զորահավաքի օգտին», - հայտնել է նա:

Ըստ այդմ, ռազմական դրությունը և զորահավաքը կրկին կերկարաձգվեն 90 օրով՝ 2025 թվականի օգոստոսի 7-ից մինչև 2025 թվականի նոյեմբերի 5-ը։