Mantashyants Global Business Forum 2025-ը դարձավ Հայաստանի ամենամասշտաբային բիզնես հարթակը

Ավարտվեց Mantashyants Global Business Forum 2025-ը։ 7 օր տևած ֆորումի կազմակերպիչը «Մանթաշյանց» գործարարների ակումբն է, որն անցած շաբաթ՝ համախմբել է ավելի քան 700 գործարարի աշխարհի տարբեր երկրներից՝ դառնալով Հայաստանի բիզնեսի հանդիպման ամենամասշտաբային հարթակը։

Բիզնես Ֆորումի ամփոփիչ փուլը կազմակերպվել էր հուլիսի 5-ից 6-ը՝ Ծաղկաձորում, որտեղ անցկացվեց Mantshyants Global Business Weekend 2025-ը: Մանթաշյանականները 2 օր շարունակ ներկայացրեցին ներդրումային նախագծեր, մասնակցեցին փակ քննարկումների, մշակութային երեկոների, գալա ընթրիքների։

Վիքենդի նպատակն էր ամփոփել ակումբի ընթացիկ ձեռքբերումները, ներկայացնել առաջիկա ծրագրերն ու ներդրումային նախագծերը, վստահության միջավայրում ձևավորել խորքային գործարար կապեր։

2 օր տևած Mantshyants Global Business Weekend 2025-ը ամփոփվել է ՀՀ Կառավարության ներկայացուցիչների մասնակցությամբ պանելային քննարկմամբ, որին մասնակցել են ՀՀ Պետական եկամուտների կոմիտեի նախագահի առաջին տեղակալ Վրեժ Մխիթարյանը, ՀՀ Տարածքային կառավարման և ենթակառուցվածքների նախարարի տեղակալ Վարդան Կոստանյանը, ՀՀ Կենտրոնական բանկի նախագահի տեղակալ Հովհաննես Խաչատրյանը, ՀՀ Էկոնոմիկայի նախարարի տեղակալ Էդգար Զաքարյանը։

Մանրամասները՝ տեսանյութում.