«Իգնայթ» ՍՊԸ-ն միանում է «Ծնվել եմ Արցախում» կրթական ծրագրին
«Ծնվել եմ Արցախում» կրթական ծրագրին միանում է նոր նվիրատու՝ «Իգնայթ» ՍՊԸ-ն։ Ընկերության ֆինանսական աջակցությունը հնարավորություն կտա «Ծնվել եմ Արցախում» ծրագրի շահառու երեխաներին շարունակել իրենց մասնագիտական երաժշտական կրթությունը, մասնակցել մշակութային նախաձեռնություններին և զարգացնել իրենց ստեղծագործական ներուժը։
«Մենք խորապես կարևորում ենք այս ծրագրի առաքելությունը։ Արցախցի երիտասարդների կրթությունը, հատկապես այս օրերին, Արցախի մշակութային ժառանգության պահպանման կարևորագույն ուղիներից է։ Ուրախ ենք, որ կարող ենք աջակցել նրանց, ովքեր իրենց տաղանդով և սիրով ներկայացնելու են հայկական մշակույթն ամբողջ աշխարհում», — նշել է «Իգնայթ» ՍՊԸ տնօրեն Վլադիմիր Ծատինյանը։
«Այս ծրագրի յուրաքանչյուր առաջընթաց հնարավոր է դառնում մարդկանց վստահության և աջակցության շնորհիվ։ Երբ նոր գործընկերներ միանում են ծրագրին, դա նշան է մեր երաժիշտների համար, որ իրենց ճանապարհը կարևոր է, իրենց ձայնը՝ լսելի, իսկ իրենց կողքին կանգնած են մարդիկ, ովքեր հավատում են նրանց ապագային։ Մենք խորապես գնահատում ենք «Իգնայթ» ՍՊԸ-ի և պարոն Ծատինյանի վստահությունն ու ծրագրին միանալու պատրաստակամությունը»,- նշել է «Ծնվել եմ Արցախում» ծրագրի ղեկավար Յանա Ավանեսյանը։
«Ծնվել եմ Արցախում» ծրագիրն ուղղված է Արցախից տեղահանված երիտասարդ երաժիշտների կրթական և մշակութային զարգացմանը, նպաստելով նրանց մասնագիտական աճին, ինքնության պահպանմանը և միջազգային հարթակներում հայտնվելուն։
--
«Ծնվել եմ Արցախում» կրթական ծրագրի նպատակն է պահպանել և զարգացնել Արցախում ծնված, այսօր Հայաստանում ապրող տաղանդավոր պատանի երաժիշտների մշակութային ժառանգությունը։ Ծրագրի գաղափարը Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր, UNICEF-ի ազգային դեսպան Սերգեյ Սմբատյանինն է։ Ծրագրի շրջանակում ընտրված 23 պատանի երաժիշտներ 5 տարի շարունակ ստանալու են խորացված մասնագիտական կրթություն և հնարավորություններ՝ ելույթ ունենալու աշխարհի տարբեր բեմերում հնչեցնելով՝ «Ծնվել եմ Արցախում» արտահայտությունը։
Ծրագիրն իրականացվում է «Մենք ենք մեր սարերը» զարգացման գործակալության, «Հայաստան» համահայկական հիմնադրամի Գերմանիայի և Նիդերլանդների տեղական կառույցների, Ամերիկայի հայ ավետարանչական ընկերակցության Հայաստանի մասնաճյուղի, ԴԻԱԼՈԳ կազմակերպության և անհատ բարերարներ՝ Կարո Սարգսյանի և Հայկ Եգանյանի աջակցությամբ։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ