Մեր ժողովրդի աջակցությամբ մենք Հայաստանում սահմանադրական կարգը շուտով կվերականգնենք, և յուրաքանչյուր ոք կկանգնի արդարդատության առջև․ Ավետիք Չալաբյան
«Հայաքվե» ազգային քաղաքացիական միավորուման համակարգող, հասարակական-քաղաքական գործիչ Ավետիք Չալաբյանը ֆեյսբուքյան իր էջում գրում է․
Մայիսի 29-ից սկսած, վարչապետի պաշտոնը զբաղեցնող անձնավորությունը, իր կամակատարների խմբակի հետ, աննախադեպ լկտի և ստոր արշավ է սկսել Հայ Առաքելական Սուրբ Եկեղեցու ղեկավարների դեմ, ընդ որում այն պայմաններում, որ հայ հասարակության ճնշող մեծամասնությունը ընդգծված դատապարտում է այն, և անթաքույց իր վրդովմունքն է հայտնում այս հակաքրիստոնեա և հակահայ գործողությունների դեմ:
Մենք ամբողջ այս ընթացքում ոչ միայն մեզ հասու օրինական միջոցներով հակազդել ենք այս ստոր արշավին, այլև հետևողականորեն փաստաթղթավորել ենք Սահմանադրության և Քրեական օրենսգրքի բոլոր այն խախտումները, որը իրականացրել է վարչախումբը և նրա պարագլուխը, մի քանի անգամ հանդես ենք եկել համապատասխան զգուշացումներով:
Քանի որ թրքահաճո այս կույտը ոչ մի կերպ չի ցանկանում ետ կանգել իր ազգակործան ուղղուց, մենք երեկ հանցագործության մասին ծավալուն հաղորդում ներկայացրեցինք ՀՀ դատախազությանը: Այն ընդգրկում է Քրեական օրենսգրքի առնվազն չորս հոդվածների հանցանշաններ պարունակող արարքներ, ներառյալ անձի ընտանեկան գաղտնիքի ապօրինի հրապարակում, կրոնական կազմակերպության գործունեության ապօրինի խոչընդոտում, ատելության խոսքի տարածում, և պաշտոնական իրավասությունների վերազանցում:
Մենք գիտակցում ենք, որ այս վարչախմբի օրոք սահմանադրական կարգը փաստացի տապալված է, և իրավապահ մարմինները լիարժեք չեն գործում, ուստի ներկա պայմաններում արդարադատության մեծ ակնկալիք չունենք: Սակայն նաև համոզված ենք, որ մեր ժողովրդի աջակցությամբ մենք Հայաստանում սահմանադրական կարգը շուտով կվերականգնենք, և յուրաքանչյուր ոք կկանգնի արդարդատության առջև, որքան էլ որ այսօր դրան խոչընդոտի:
Մենք հետամուտ ենք լինելու, որ այս հաղորդումը, ինչպես նաև նախկինում նույն անձի ապօրինությունների վերաբերյալ մեր ներկայացրած այլ հաղորդումները ընթացք ստանան, և ակնկալում ենք մեր բոլոր այն քաղաքացիների աջակցությունը, որոնք երբևիցե ցանկանում են ապրել իրավական պետությունում, ունենալ օրենքին ենթարկվող իշխանավորներ, որոնք պաշտպանում են հանրային շահը, և որտեղ մեր յուրաքանչյուրի օրինական իրավունքները անվերապահորեն պաշտպանված կլինեն:
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Իշխանությունների թիրախում են ակտիվ արցախցիները. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է