Եթե մինչև նոյեմբեր գործընթացն օրինական էր, ինչո՞ւ են գաղտնալսել. բոլոր ընդդիմադիր գործիչները տոտալ կերպով գաղտնալսվում են. փաստաբանը՝ Սրբազանների գործի մասին
Առկա հրապարակային նյութերից ու հայտարարություններից կարելի է հասկանալ, որ գործը, սկսած նախորդ տարվա օգոստոսից մինչև այս տարվա հունիս ամիսը, ձևավորվել է գաղտնալսումների կամ այլ տեսակի գաղտնի քննչական գործողությունների արդյունքում։ Այս մասին հրավիրված ասուլիսում ասաց «ահաբեկչության փորձի» գործով Սրբազանների և մյուս կալանավորված անձանց փաստաբան Հովհաննես Խուդոյանը։
«Համաձայն ՔԿ-ի կամ գլխավոր դատախազի հայտարարությունների՝ 2024 թվականի նոյեմբերից այն վերածվել է ապօրինի գործընթացի։ Իրենք էլ նշում են, որ մինչ այդ ամեն ինչ օրինական էր, իսկ նոյեմբերից գործընթացները դարձել են ապօրինի։ Սակայն այստեղ տրամաբանական հարց է առաջանում՝ եթե դրանք օրինական էին, ապա ինչո՞ւ էին գաղտնալսվում իրավապահ մարմինների կողմից։ Ակնհայտ է պատասխանը. մեր օրերում ՀՀ-ում ցանկացած քաղաքական գործընթաց ուղեկցվում է պետական ապարատի անմիջական և ապօրինի միջամտությամբ»,-ասաց Խուդոյանը։
Փաստաբանի խոսքով՝ այդ ապօրինի միջամտությունները հատկապես հաճախ են դիտվում ընտրություններին նախորդող ժամանակահատվածում։
«Կարող եմ պնդել՝ բոլոր ընդդիմադիր գործիչները տոտալ կերպով գաղտնալսվում են։ Հիմա այս գործի շրջանակներում, ըստ իրենց, ունենալով հանցագործություն վկայող բավարար տվյալներ՝ ԱԱԾ-ն մարտ ամսին հաղորդում է ներկայացրել, որ նախապատրաստվում է հանցագործություն։
Իրադարձություններն ու բուն գործողությունները տեղի են ունեցել հունիսին, ինչը ևս մեկ անգամ հաստատում է կասկածը, որ այս գործընթացները պայմանավորված են ոչ թե քրեադատավարական նպատակներով, այլ ուղղված են քաղաքական գործընթացներին միջամտելուն կամ դրանք գեներացնելուն»,- ընդգծեց նա։
Հիշեցնենք, որ «ահաբեկչության փորձի» գործով կալանավորված են Բագրատ և Միքայել Սրբազանները և ևս 16 հոգի:
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ