Իրանի արտգործնախարարը և Սաուդյան Արաբիայի թագաժառանգը քննարկել են տարածաշրջանային անվտանգությունը
Իրանի արտաքին գործերի նախարար Աբբաս Արաղչին և Սաուդյան Արաբիայի թագաժառանգ Մուհամմեդ բին Սալմանը բանակցություններ են վարել երկկողմ համագործակցության հեռանկարների և տարածաշրջանում խաղաղության ու կայունության ամրապնդմանն ուղղված համատեղ քայլերի շուրջ՝ Իրանի դեմ ռազմական ագրեսիայի ֆոնին, հաղորդում է Mehr-ը։
Իրանի արտաքին գործերի նախարարը ընդգծել է Թեհրանի՝ Սաուդյան Արաբիայի և այլ հարևան երկրների հետ կապերը ամրապնդելու հանձնառությունը՝ հիմնված բարիդրացիության և փոխադարձ շահերի վրա, վերահաստատելով Իրանի պատրաստակամությունը զարգացնել համագործակցությունը տարբեր ոլորտներում՝ տնտեսությունից և առևտուրից մինչև մշակութային փոխանակումներ։
Արաքչին երախտագիտություն է հայտնել Սաուդյան Արաբիայի պատասխանատու դիրքորոշման համար՝ դատապարտելով Իրանի դեմ ռազմական ագրեսիան և ուրվագծել Թեհրանի տեսլականը տարածաշրջանային անվտանգության վերաբերյալ՝ «սիոնիստական ռեժիմի և ԱՄՆ-ի կողմից իրականացված հանցավոր ռազմական հարձակումներից» հետո։ Նա ընդգծել է, որ այս հարձակումները, որոնք կոպտորեն խախտում են ՄԱԿ-ի կանոնադրությունը, միջազգային իրավունքը և չտարածման ռեժիմը, աննախադեպ սպառնալիք են ներկայացնում տարածաշրջանի խաղաղության և կայունության համար։ Նրա խոսքով՝ տարածաշրջանի երկրների միասնական և վճռական դիրքորոշումը այս գործողությունները դատապարտելու հարցում ցույց է տալիս կոնսենսուս «ապարտեյդ սիոնիստական ռեժիմի էքսպանսիոնիզմին և միլիտարիզմին» համատեղ հակազդելու անհրաժեշտության վերաբերյալ։
Իր հերթին, Սաուդյան Արաբիայի թագաժառանգը գոհունակություն է հայտնել երկու խոշոր իսլամական պետությունների միջև աճող փոխըմբռնման և համագործակցության կապակցությամբ՝ ընդգծելով, որ թագավորության ղեկավարությունը մտադիր է շարունակել այս ուղղությունը և ընդլայնել կապերը բոլոր ոլորտներում։
Նա վերահաստատել է Սաուդյան Արաբիայի դատապարտումը՝ Իրանի տարածքային ամբողջականությունն ու ազգային ինքնիշխանությունը խախտող ցանկացած ռազմական հարձակման նկատմամբ և նշել է, որ տարածաշրջանային խաղաղության և անվտանգության պահպանումը հնարավոր է միայն տարածաշրջանի երկրների միջև համագործակցության և երկխոսության միջոցով: Թագաժառանգը վստահեցրել է, որ Էր-Ռիադը կօգտագործի իր բոլոր հնարավորությունները՝ հետագա սրացումը կանխելու համար և կխթանի դիվանագիտական լուծումները՝ հայտնելով այս հարցում օգնելու իր պատրաստակամությունը։
25/22 Երկուսով են քվեախցիկում
Կախվածություն սահմանափակ թվով ընկերություններից. ի՞նչ նկարագիր ունի Հայաստանի տնտեսությունը. «Փաստ»
...
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Ահազանգ․ Տիգրանաշենի խաղահրապարակի վերակահավորման համար «Ուժեղ Հայաստանին» դատի տալու սպառնալիք են հ...
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Մեր տոկունությունը, պատրաստվածությունն ու վճռականությունն անկոտրում են. Գնացե՛ք քվեարկելու. Գառնիկ Դ...
Հայաստանում գյուղատնտեսությունն այս տարի շեշտակի անկում է ապրել. Նարեկ Կարապետյան
ՔՊ-ն քաղաքացիներին զրկում է քվեարկելու իրավունքից. Մենուա Սողոմոնյան
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Անհավասար պայքարի հետքերով. ի՞նչ արձանագրեցին վերջին ՏԻՄ ընտրությունները. «Փաստ»