Մեղադրանքի անհրաժեշտ հիմնավորումներն առկա չեն. Արամ Վարդևանյանը՝ Արթուր Սարգսյանի գործի մասին
Հրապարակված ձայնագրությունների սղագրությունների մեջ այնպիսի եզրույթ կա, «Ձայնը չի լսվում», «Ձայնը չի հասկացվում»։ Հիմա պատկերացրեք, որ դրանցից յուրաքանչյուրը կարող է ամբողջությամբ փոփոխել խոսակցության իմաստը։ Այս մասին այսօր՝ հուլիսի 9-ին, Երևանի ընդհանուր իրավասության քրեական դատարանի Ավան և Նոր նորքի նստավայրի մոտ, որտեղ քննվում է «Հայաստան» խմբակցության պատգամավոր Արթուր Սարգսյանի կալանքի միջնորդությունը, ասաց ԱԺ «Հայաստան» խմբակցության պատգամավոր Արթուր Սարգսյանի փաստաբան Արամ Վարդևանյանը։
Նա հնարավոր համարեց, որ այդ բացակայող խոսքերը կարող են այդ խոսակցութունները վերածել կենցաղային բնույթի խոսակցությունների։
«Ես նկատել եմ, որ Գլխավոր դատախազը ևս, այն չբացառելով, փորձում է դրան ամեն կերպ փոխանցել այլ կոնտեքստ, որը առնվազն այն նյութերով, որոնք որ կան՝ չի ստացվում, չի հաջողվում»,-ասաց Վարդևանյանը։
Փաստաբանը հայտնեց, որ միջնորդությունից ոչ մի տվյալ առկա չէ, որ Արթուր Սարգսյանը «հարվածային խմբերում» հավաքագրելու էր ցուցարարներ։
«2018 թվականին Ֆրանսիայի հրապարակում, երբ հավաքներն ունեցել են մշտական բնույթ, կան տեսանյութեր, որտեղ ցույցերի մասնակիցները երեկոյան ժամերին վարժություններ են անում՝ ձևավորելով խմբեր։ Տրվում են հստակ հորդորներ՝ եթե տեսնեք ոստիկաններին, թևանցուկ եղեք, և մի խորշեք բախումներից։ Միևնույն ժամանակ ընդգծվում էր, որ դա պետք է լինի խաղաղ։ Խոսքը վերաբերում էր խմբերի ձևավորմանը, փողոցների փակմանը, ակցիաներին մասնակցելուն և ոստիկանության միջամտության դեպքում այնպես գործելուն, որ ոչ ոք չբերման ենթարկվի»,-հիշեցրեց Վարդևանյանը։ Նա շեշտեց, որ այդ օրերի իրադարձություններից որևէ մեկին իրավական գնահատական չի տրվել, բացառությամբ Հանրային ռադիոյի շենք մուտք գործելու դեպքի, որն էլ որակվել է ոչ թե որպես ահաբեկչություն, այլ զանգվածային անկարգություն։
Փաստաբանը հարց բարձրացրեց. «Ի՞նչ է ստացվում. նույն խմբեր ձևավորելը այդ ժամանակ իրավական գնահատական տվողների կողմից անգամ զանցանքի տիրույթում չէր դիտարկվում։ Հիմա ո՞նց է ստացվում, որ ժողովրդավարության բաստիոնում իրավական գնահատականները փոխվում են։ Հետևությունները թողնում եմ ձեզ»։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն