Ասացի՝ հին մարդ եմ, Գորիկ Գուրգենիչներ եմ տեսել, ջրի վրա գործ հարուցելը ո՞րն է. զանգ ստացան, հեռախոսս առգրավեցին. Գեղամ Մանուկյան
ԱԺ «Հայաստան» խմբակցության պատգամավոր Գեղամ Մանուկյանի բնակարան խուզարկության մտած ԱԱԾ-ականները հեռախոսազանգ ստանալուց հետո, ուժով խլել են նրա հեռախոսը: Այս մասին ՔԿ դիմաց լրագրողների հետ զրույցում ասաց պատգամավորը՝ նշելով, որ դրա հետևանքով ձեռքն է վնասել:
«Առավոտյան ժամը ութին տասը պակաս մոտ տասը հոգով մտել են տուն՝ ներկայացել որպես ԱԱԾ ու ՔԿ աշխատակիցներ։ Նոր քրեական վարույթ են հարուցել, որը նախորդ օրն են բացել։ Ուղիղ ասեցի՝ տղե՛ք, ամոթ է, աբսուրդ է։ Ես հին մարդ եմ, ԱԱԾ եմ տեսել, Գորիկ Գուրգենիչներ եմ տեսել, հին քննիչներ եմ տեսել։ Ջրի վրա քերական գործ հարուցելը ո՞րն է», - ասաց պատգամավորը։
Մանուկյանի փոխանցմամբ՝ իրավապահները փորձել են «ահաբեկչության նախապատրաստություն» համարել երիտասարդների կազմակերպած ռազմախաղերը։
«Մեր երիտասարդական միությունը բանակումներ է կազմակերպում, տարբեր ռազմախաղեր։ Երևանում կան խանութներ, որտեղ վաճառում են փոքր գնդիկներ՝ «skyball» են ասում։ Պլաստմասե գնդիկների փոխարեն սիսեռ են դնում՝ ծախսը կրճատելու համար։ Հիմա դա համարել են ահաբեկչության նախապատրաստություն»,-հայտարարեց Մանուկյանը։
Նրա խոսքով՝ գործի շրջանակում արդեն ձերբակալվել են ոչ միայն իր որդին՝ Տարոն Մանուկյանը, այլև ՀՅԴ-ականներ Արսեն Մարտոյանն ու Գևորգ Մուրադյանը։
Պատգամավորը հայտնեց, որ խուզարկության ժամանակ տարել են նույնիսկ ընտանիքի անձնական տեսանյութերը։ «Երեխաների կնունքի տեսաերիզն են տարել։ Վերջին պահին սկսեցին զննել վերջին նկարները, զանգերը։ Էդ պահին վերևից զանգ ստացան։ Ինձ տարան պատշգամբ, ասացին՝ գնանք խոսենք։ Հենց էդ պահին փորձեցին ձեռքիցս հեռախոսը խլել։ Ձեռքս վնասվեց։ Բայց ոչինչ, իրենք էլ վնասվեցին»,-ասաց պատգամավորը։
Նրա խոսքով՝ խուզարկության ժամանակ իրավապահները ուշադիր կարդացել են իր բանտային նամակները, այդ թվում՝ Վահան Հովհաննիսյանի հետ։
«Փաստաբաններին թույլ չեն տալիս քննչական, նույնիսկ՝ պատգամավորներին»,-ասաց նա։
Մանուկյանը նաև պատմեց, որ խուզարկության հենց այդ առավոտը պայմանավորված, հանդիպում ուներ Նիդեռլանդների դեսպանի հետ․
«Դեսպանն ինքն էր ցանկացել հանդիպել, որ հասկանա՝ ինչ է կատարվում Հայաստանում։ Ասաց՝ մամուլից չի կարողանում հասկանալ։ Փորձեցի բացատրել, բայց եվրոպացու համար շատ բան անհասկանալի է։ Հիմա դեսպանն իր աչքով տեսավ, թե ինչ է իրականում՝ Հայաստանի ժողովրդավարության բաստիոնը ոնց է դարձել բռնատիրություն Նիկոլ Փաշինյանի օկուպացիոն ռեժիմի տակ»։
Հարցին՝ մտավախություն չունի՞, որ հեռախոսում առկա անձնական տվյալները կարող են հրապարակվել՝ ինչպես նախկինում Հովիկ Աղազարյանի պարագայում, Մանուկյանը արձագանքեց․ «Ոչինչ։ Բնական է։ Քաղաքական զրույցներ, քննարկումներ լիքը կան։ Թող տան կարդա Նիկոլը։ Տեսնի՝ քանի մարդու հետ եմ զրուցել, քանի մարդ է գրել՝ երբ եք էդ Նիկոլին օր առաջ հեռացնում, օրենքի շրջանակներում»։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...