Իրանը զգուշացնում է Հայաստանի իշխանություններին
Օրերս իր կայացած ասուլիսում Նիկոլ Փաշինյանը հայտարարել էր, թե ճանապարհների ապաշրջափակման միակ քննարկվող տարբերակն ամերիկյան տարբերակն է։ Նախօրեին տեղի է ունեցել Փաշինյանի հեռախոսազրույցն Իրանի նախագահ Մասուդ Փերզեշքիանի հետ։ Պաշտոնական հաղորդագրության համաձայն քննարկել են երկկողմ, տարածաշրջանային և միջազգային օրակարգին վերաբերող հարցեր։ Ու այդուհանդերձ, ամերիկյան առաջարկի վերաբերյալ որևէ տեղեկություն հայտնի չէ։ Քննարկե՞լ են արդյոք 2 երկրների ղեկավարները, թե՞ ոչ։
Հուլիսի 17-ին էլ տեղի էր ունեցել Հայաստանի և Իրանի անվտանգության խորհուրդների քարտուղարների հեռախոսազրույցը։ Օրերս էլ փոխվարչապետն էր ընդունել Իրանի դեսպանին։ Երկու դեպքում էլ քննարկել էին ապաշրջափակման հնարավորությունը։
Պաշտոնական Թեհրանի տարածած հաղորդագրության համաձայն Ալի Աքբար Ահմադիանը վերահաստատել էր, որ «Իրանը դեմ է տարածաշրջանի աշխարհաքաղաքական լանդշաֆտի ցանկացած փոփոխության»։ Ու փաստացի, այս կերպ, իրանական կողմը Հայաստանին զգուշացում է արել, որ ամերիկյան որևէ ընկերության մուտքը տարածաշրջան, ճանապարհների ապաշրջափակումն ամերիկյան հովանավորությամբ կարող է լուրջ խնդիրներ հարուցել, և հենց դա է պատճառը, որ վարչապետի աշխատակազմը զերծ է մնում տեղեկություններ տարածելուց, փորձում են հասկանալ, թե ինչպես կկարողանան կարգավորել այս խնդիրը։
Տարածաշրջանի գրեթե բոլոր տերությունները դեմ են օտարերկրյա ուժերի ներկայությանը։ Նույնպես դժգոհ են նաև ԵՄ դիտորդական առաքելությունից։ Թեպետ դիտորդների դեպքում առանձնապես մեծ բողոք չէ նկատվել՝ հաշվի առնելով, որ այդ դիտորդները զինված չեն, հայ-իրանական սահմանին էլ չեն գտնվում, ապա սահմանին անմիջական մերձավորությամբ անցնող ճանապարհը կամ միջանցքը, ով ինչպես անվանի, ամերիկյան վերահսկողության հանձնելը հարվածում է Իրանի կենսական շահերին, իսկ Թեհրանը բազմիցս ապացուցել է, որ իր կենսական շահերը պահպանելու համար պատրաստ է գնալ կոշտ լուծումների։
Էլիզա Սողոյան
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Բնակարանային գողություններ կատարող Հրազդանի 2 բնակիչները հայտնաբերվել են,գողությունները՝ բացահայտվել
Թրամփի հետքայլն ու քրդական պլացդարմի ձախողումը. Իրանը չեզոքացրեց վտանգը․ իրանագետ
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Նախարարի մոր ընկերությունը շարունակում է պետպատվերներ ստանալ. «Ժողովուրդ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ