Փաշինյանը վա-բանկ է գնում եկեղեցու դեմ
Նիկոլ Փաշինյանը երեկ գործողությունների ծրագիր է հրապարակել, որով պատրաստվում է ոչ միայն կաթողիկոսին փոխել, այլև Հայ առաքելական եկեղեցու կանոնագիրքը։ Իր ծավալուն գրառման մեջ Փաշինյանը մի ամբողջ շարք պնդումներ է անում, որոնք ոչ միայն հակաօրինական են, այլև հակասում են Հայ առաքելական եկեղեցու ներկայիս կանոններին։ Մասնավորապես, պնդում է, թե կաթողիկոսին Վեհարանից հեռացնելու և փիլիոնազրկելու պարագայում կաթողիկոսական տեղապահ լինելու է որևէ ամուսնացյալ քահանա, որը չի հավակնելու կաթողիկոսի դերին։ Եկեղեցական կանոնով քահանան տեղապահ չի կարող լինել, և ընդհանրապես, տեղապահ նշանակում է, եթե կաթողիկոսը գահից հրաժարվում է կամ վախճանվում։ Ներկայումս երկուսն էլ տեղի չեն ունեցել։
Փաստացի իր այս հայտարարություններով Փաշինյանը ոտնձգություններ է իրականացնում ոչ միայն Ամենայն հայոց կաթողիկոսի, այլև Հայ առաքելական եեղեցու, նրա կանոնների, դարերով ձևավորված ավանդույթների դեմ։ Ինչի վերաբերյալ էլ պարբերաբար հայտնում են ընդդիմադիրները, եկեղեցականները և պարզապես հասարակ մարդիկ, որոնց համար Փաշինյանի պնդումները, թե ինքը Հայ առաքելական եկեղեցու հավատավոր հետևորդ է և պայքարում է եկեղեցու բարեվարքության համար, իրականում կեղծ են և սուտ։
Ուշագրավն այն է, որ Հայ առաքելական եկեղեցու դեմ Փաշինյանի այս գործողությունները ծանր հետևանքներ են ունենալու թե իր և թե Հայաստանի Հանրապետության համար, ուստի զարմանալի չէ, որ արդեն 2-րդ անգամ Փաշինյանին ուղերձով դիմել էր Հայաստանի առաջին նախագահ Լևոն Տեր-Պետրոսյանը՝ նշելով, որ հնարավոր արյունահեղության միակ պատասխանատուն հենց Փաշինյանն ու իր թիմակիցներն են լինելու։ Ինչպես և սպասելի էր, գործող իշխանություններն իսկական վայնասուն են դրել Լևոն Տեր-Պետրոսյանի կոչի վերաբերյալ, ընդ որում փորձում էին վերջինիս մեղադրել անսկզբունքայնության մեջ, թե «ազգակործան պատուհաս» արտահայտության փոխարեն օգտագործել է «մեծարգո պարոն վարչապետ» արտահայտությունը, մինչդեռ Տեր-Պետրոսյանը դեռ ժամանակին նշել էր, որ հանուն սեփական երկրի և եկեղեցու պատրաստ է բախել ցանկացած դուռ, միայն թե արյունահեղություն թույլ չտա։
Թե երբ է Փաշինյանը պատկերացնում իր կազմակերպած հավաքը և Վեհարան արշավելը, գործող իշխանությունները չեն հայտնում։ Ավելին, մի քանի անգամ մամուլում տարածված տեղեկությունները տարբեր օրերի և ժամերի վերաբերյալ չեն հաստատվել։ Արդյո՞ք Փաշինյանը որոշել է չեղարկել իր որոշումը, ըստ ամենայնի, ոչ, քանի որ հենց երեկ է հրապարակել գործողությունների ծրագիրը։ Ըստ երևույթին, Փաշինյանն այս հարցում որոշել է գնալ մինչև վերջ, վա-բանկ խաղալ և դրա համար ռեսուրսներն է հավաքում իր հանցավոր ծրագիրն իրականություն դարձնելու նպատակով։
Էմմա Մինասյան
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...