Արամ Վարդևանյանը՝ Սամվել Կարապետյանի կալանքի և ժողովրդավարության մասին

Իրավապաշտպան և նախկին պատգամավոր Արամ Վարդևանյանը գրառում է կատարել՝ անդրադառնալով Սամվել Կարապետյանի կալանքին և դրա հակաժողովրդավարական ենթատեքստին։

Վարդևանյանը մատնանշում է, որ իշխանությունները սիրում են խոսել ժողովրդավարական արժեքներից, սակայն իրականում վախենում են դրանց կիրառումից։ Ըստ նրա՝ ժողովրդավարության ամենակարևոր բաղադրիչներից մեկը իրականում անկախ դատական համակարգն է, և հենց այս համակարգով կարելի է գնահատել՝ որքան ժողովրդավարական է որևէ երկիր։

 Վարդևանյանը քննադատում է իշխանության ղեկավարի՝ հունիսի 17-ին կատարած հրապարակային հայտարարությունը, որն ուղղված էր Սամվել Կարապետյանին։ Նրա բնորոշմամբ՝ սա «Ֆեյսբուքյան արդարադատություն» էր, որը երբևէ տեղի չի ունեցել որևէ ժողովրդավարական երկրում։

 Գրառման մեջ նշվում է, որ Սամվել Կարապետյանի նկատմամբ կալանքը կիրառվել է արդեն հունիսի 18-ին՝ չնայած այն հանգամանքին, որ Կարապետյանը՝

1. Երբեք արտահայտված չի եղել նախկինում,

2. Չի թաքնվել քննությունից,

3. Չունի որևէ շարժառիթ՝ խոչընդոտելու գործին,

4. Մեղադրվում է միջին ծանրության ենթադրյալ հանցանքի մեջ, որը հիմնված է միայն մի տեսանյութով ամրագրված հարցազրույցի վրա։

 Ըստ Վարդևանյանի՝ նման դեպք ոչ մի եվրոպական երկրում հնարավոր չէ պատկերացնել։ Իսկ եթե նման բան տեղի ունենար որևէ եվրոպական պետությունում, ապա այն երկիրը միանգամից դուրս կմնար ժողովրդավարական արժեքների շրջանակից։

 Վարդևանյանը փաստում է, որ Հայաստանում կալանքը, որը պետք է լինի ամենածայրահեղ միջոց (ultima ratio), օգտագործվում է անհամաչափ, անհիմն և շատ հաճախ։ Սա, ըստ նրա, վկայում է ոչ թե արդարադատության բարձր մակարդակի, այլ՝ քաղաքական նպատակներով կիրառվող պատժիչ մեխանիզմների մասին։

 Լրատվական, քաղաքական և հանրային լայն շրջանակները փաստում են` Սամվել Կարապետյանի կալանքը ոչ թե իրավական, այլ՝ հստակ քաղաքական հաշվեհարդարի դրսևորում է։