Սրբազանների ու հայրենիքը չհանձնելու համար պայքար տանող հայերի մասին չի կարելի լռել. Աննա Կոստանյան

Աննա Կոստանյանը ֆեյսբուքյան իր էջում գրում է.

Եթե հաշվի առնենք, թե ինչ հիմարություններով է զբաղված Հայաստանը ղեկավարող դրածոն, ապա նկարներում պատկերված հայերի քրեական կարկատանները, ապօրինի ձերբակալությունները, բանտարկություններն ու մեկուսացումը հայկական հանրային կյանքից միանգամայն տրամաբանական է դառնում, դե քանի որ վարչապետի պես հայրենավաճառությամբ ու անիմաստ ստատուսագրությամբ չէին զբաղվում, որ ազատության մեջ մնային։ Նկարների ՀԱՅԵՐԸ հայրենիքի դավաճանության, որևէ մասից հրաժարվելու, հանձնելու, հայրենիքը սոցիալական բարեկեցության, հարմարավետ կյանքի հետ փոխանակելու դեմ պայքար են տարել, դրա համար էլ այսօր գտնվում եմ բանտերում, նաև նրա համար, որ պետության թիվ մեկ բանսարկու փարիսեցին իր վախերը սքողելու, հավիտենական իշխանություն պահելու և չարագործություններն ավարտին հասցնելու համար ճանապարհից մաքրում է իր պոտենցիալ ընդդիմախոսներին։

Սրբազանների ու հայրենիքը չհանձնելու համար պայքար տանող հայերի մասին չի կարելի լռել, նրանք փողոցներում էին, քանի դեռ շատերը հարմարավետ նստած էին իրենց փափուկ բազմոցներին։ Նրանք գոնե փորձում էին, ոչ թե քննադատում, մինչդեռ շատերը սոցիալական ցանցերում միայն անպտուղ գրառումներ էին անում։ Նրանք քաղաքական բանտարկյալներ են ճիշտ այնպես, ինչպես այն հայերը, ովքեր այսօր ալիևյան բանտերում են՝ նույն ձեռագրով, նույն սցենարով, բռնապետիկների նույն վախերի հետևանքով։