MyInvest Academy․ Ներդրումների մասին առաջին հայալեզու կրթական հարթակը մոբայլ հավելվածում

Ամերիաբանկի MyInvest հարթակում գործարկվել է MyInvest Academy-ն՝ նախատեսված ներդրումների ոլորտ մուտք գործել ցանկացողների համար։ Սա առաջին հայալեզու կրթական հարթակն է ներդրումների մասին, որը հասանելի է անմիջապես մոբայլ հավելվածում և անվճար է: Academy-ն հնարավորություն է տալիս սովորել ներդրումների մասին զրոյից՝ քայլ առ քայլ ծանոթանալով հիմնական հասկացություններին և խորացնելով գիտելիքները յուրաքանչյուր թեմայով` պարտատոմսերից մինչև բաժնետոմսեր, ներդրումային ֆոնդեր, ոսկի, նավթ և այլն։ 

MyInvest Academy-ում այս պահին արդեն իսկ հասանելի է ներդրումների մասին 12 թեմա։ Յուրաքանչյուր թեմայի վերջում մասնակիցներն անցնում են կարճ հարցում, որի միջոցով կարող են ստուգել՝ որքանով են յուրացրել թեման մինչև հաջորդին անցնելը։ Դասընթացի վերջում մասնակիցները կարող են հանձնել քննություն ստացված գիտելիքները ստուգելու համար։  

Ներդրումների մասին հայալեզու կրթական նյութերին հասանելիություն ստանալու համար անհրաժեշտ է միայն բացել բրոքերային հաշիվ Ամերիաբանկի MyAmeria հավելվածի MyInvest հարթակում և մուտք գործել Academy։ 

Հիշեցնենք, որ MyInvest-ն Ամերիաբանկի ներդրումային հարթակն է, որով հնարավոր է ձեռք բերել 30+ ֆինանսական շուկաների ավելի քան 20,000 բաժնետոմս, միջազգային և հայկական շուկայի պարտատոմսեր, բորսայական ներդրումային ֆոնդեր (ETF-ներ) և այլ արժեթղթեր։

MyInvest Academy-ի մանրամասները՝ տեսանյութում։ 

Ամերիաբանկի մասին

Ամերիաբանկը ֆինանսական և տեխնոլոգիական առաջատար հաստատություն է, ՀՀ տնտեսական ոլորտի նշանակալի դերակատարներից մեկը: Թվային փոխակերպման ռազմավարության ներքո՝ Բանկը ներդնում և շարունակաբար կատարելագործում է շուկայում եզակի պրոդուկտներ, ծառայություններ և նորարարական հարթակներ, որոնք միտված են բավարարելու մարդկանց ֆինանսական և ոչ ֆինանսական կարիքները։ 

Ամերիաբանկը, որպես դինամիկ զարգացող ֆինթեք միջավայր, առաջարկում է կյանքի որակը բարելավող ամբողջական լուծումներ:

Բանկը վերահսկվում է ՀՀ Կենտրոնական բանկի կողմից: