Ամերիկյան ավիաընկերությունները չեղարկում են դեպի Հավայան կղզիներ չվերթները Կամչատկայում տեղի ունեցած երկրաշարժի պատճառով
Ամերիկյան Hawaiian Airlines ավիաընկերությունը դադարեցրել է դեպի Հավայան կղզիներ չվերթները՝ Կամչատկայի երկրամասում տեղի ունեցած երկրաշարժից հետո ցունամիի սպառնալիքի պատճառով: Այս մասին հայտնել է NBC հեռուստաալիքը՝ հղում անելով ավիափոխադրողի մամուլի ծառայությանը:
«Մենք հետաձգում ենք Hawaiian Airlines-ի և Alaska Airlines-ի չվերթները դեպի կղզիներ», - NBC-ն մեջբերում է մայր ընկերության խոսքերը: Հայտարարությունից առաջ Հավայան կղզիներ արդեն մեկնած չվերթներին հրամայվել է վերադառնալ մայրցամաք:
Ալիքները արդեն հարվածում են Հավայան կղզիներին։ «Սպասվում է ցունամի», - հայտնել է Հոնոլուլուի արտակարգ իրավիճակների կառավարման դեպարտամենտը։ Զբոսաշրջության դեպարտամենտը խորհուրդ է տվել ափամերձ հյուրանոցների բնակիչներին բարձրանալ չորրորդ և ավելի հարկեր՝ միջոցառումն անվանելով «ուղղահայաց տարհանում»։
Երկրաշարժի մագնիտուդը, տարբեր գնահատականներով, հասել է 8.8-ի: Դրա էպիկենտրոնը գտնվում էր Պետրոպավլովսկ-Կամչատկից 150 կմ հարավ-արևելք: Ռուսաստանի գիտությունների ակադեմիայի երկրաֆիզիկական ծառայությունը երկրաշարժն անվանել է տեղական սեյսմիկ օջախային գոտում ամենաուժեղը 1952 թվականից ի վեր:
Երևանում և մարզերում լույս չի լինի. հասցեներ
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
«Հրապարակ». Հավաքին մասնակցելու համար ազատել են պաշտոնից
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Այս մարդն ակնհայտ ցայտնոտի մեջ է. Աննա Կոստանյան
ՊԵԿ-ը կանխել է ՀՀ տարածքով թմրամիջոցի խոշոր խմբաքանակի` 28 կգ հաշիշի տարանցումը
Պղծաշուրթ և անկայուն մարդու վիճակը դիտվում է որպես մարդատյացության ու հոգևոր խավարի արտահայտություն