Չինաստանը գրավում է «կանաչ» էներգիայի համաշխարհային շուկան

Այսօր Չինաստանին բաժին է հասնում հողմային և արևային էներգետիկայի ոլորտում նոր նախագծերի մոտ 75%-ը: Երկիրը ոչ միայն պահպանում է առաջատար դիրքը, այլև ավելացնում է տեմպերը. Չինաստանում արդեն կառուցվում է 510 ԳՎտ նոր հզորություն, իսկ ընդհանուր նախագծային ներուժը գերազանցում է 1,3 ՏՎտ-ը:

2025 թվականի սկզբին Չինաստանում հողմային և արևային էներգետիկայի ընդհանուր տեղակայված հզորությունը հասել է 1,4 ՏՎտ-ի, ինչը կազմում է համաշխարհային ցուցանիշի 44%-ը և գերազանցում է ԵՄ-ի, ԱՄՆ-ի և Հնդկաստանի ընդհանուր հզորությունները միասին վերցրած:

Պատմության մեջ առաջին անգամ այս տարվա առաջին եռամսյակում վերականգնվող աղբյուրներից ստացված էներգիան գերազանցել է ջերմային էներգետիկան՝ ապահովելով երկրի ընդհանուր էլեկտրաէներգիայի 22,5%-ը: Նոր օբյեկտների մեծ մասը կենտրոնացած է հյուսիսային և արևմտյան շրջաններում, ինչպիսիք են Սինցզյանը և Ներքին Մոնղոլիան, որտեղ իրականացվում են խոշոր կենտրոնացված կոմունալ նախագծեր:

Հենց այստեղ է նախատեսվում կառուցել պլանավորված արևային և հողմային հզորությունների մոտ 40%-ը: 2021 թվականին պետական սուբսիդիաների չեղարկումից հետո ոլորտը ժամանակավորապես դանդաղել էր, սակայն այժմ կրկին ցուցաբերում է բուռն աճ: Փորձագետների կանխատեսումներով՝ 2025 թվականը ռեկորդային կլինի նոր հզորությունների գործարկման ծավալներով, և Չինաստանի էներգետիկ անցումն ավելի ու ավելի է ազդում համաշխարհային լանդշաֆտի վրա:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]