ՔՊ-ական բարքեր՝ ծեծ, կռիվ, լկտիացում
Մինչև 2018 թվականի իշխանափոխությունը ընդդիմադիր Նիկոլ Փաշինյանը և նրա թիմակիցները քննադատում էին նախկին իշխանություններին, նրանց արատավոր բարքերը, հասարակ քաղաքացիների հետ վատ վերաբերվելու հանգամանքը։ Փաշինյանն արդեն յոթ տարի իշխանության է, իսկ նրա թիմակիցները ոչ միայն գերազանցել են նախկիններին իրենց լպիրշությամբ, այլև հաճախ նույնիսկ գերազանցում են։ Պարբերաբար, քպական պատգամավորներն ու պաշտոնյաները հայտնվում են տարբեր քրեական միջադեպերի կենտրոնում, քաշքշուկներ, կռիվներ սադրում ոչ միայն հասարակ քաղաքացիների, նույնիսկ ոստիկանների հետ։
«Քաղաքացիական պայմանագիր» խմբակցության պատգամավոր Սերգեյ Բագրատյանի որդուն նախօրեին բերման են ենթարկել Քննչական կոմիտե։ Չի բացառվում, որ կալանավորելու միջնորդություն ներկայացնեն։ Բանն այն է, որ պատգամավորն ու իր որդին ծեծի են ենթարկել մի քաղաքացու, ով Պարոնյան փողոցում պահանջել է հեռացնել սխալ կայանված պատգամավորի մեքենան։ Հայր ու որդի Բագրատյանները հարձակվել են քաղաքացու վրա, ծեծի ենթարկել, ապա և քաշքշել ժամանած պարեկային ոստիկաններին։ Այժմ էլ Բագրատյանի որդին ձերբակալված է։
Ըստ մեր տեղեկությունների, Քննչական կոմիտեն մտադիր է կալանավորելու միջնորդություն ներկայացնել, բայց պատգամավոր հայրիկը ամեն ինչ կանի, որպեսզի լպիրշացած որդին մեկ օր չանցկացնի կալանավայրում։ Իսկ Փաշինյանը շարունակելու է տանել բոլորի գլուխը` իբր Հայաստանում տեղի ունեցած փոփոխություններով։ Հայաստանում փոփոխություններ, իհարկե, եղել են, բայց բացառապես բացասական ուղղությամբ։ Իսկ Փաշինյանի Բագրատյաններն ու մյուս պատգամավորները ոչնչով չեն տարբերվում նախկին իշխանության շմայսներից, թոխմախներից և այլ քրեական դեմքերից, նույնիսկ հաճախ գերազանցում են։
Արմինե Ներսիսյան
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ-ականներն ահաբեկում են անգամ անչափահասներին. «Հրապարակ»
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Հրապարակ». Հավաքին մասնակցելու համար ազատել են պաշտոնից
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
«Մասկա օպերացիա». իրավապահները հրահանգ են ստացել. «Հրապարակ»
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Իշխանությունների թիրախում են ակտիվ արցախցիները. «Հրապարակ»