Դատարանը մերժել է Աղվան Արշակյանի պաշտպանների միջնորդությունը՝ անընթեռնելի և անորակ փաստաթղթերի հիմքով
Փաստ • Օգոստոսի 7, 2025
Երևանի ընդհանուր իրավասության դատարանը մերժել է մեղադրյալ Աղվան Արշակյանի խափանման միջոցի փոփոխության վերաբերյալ պաշտպանական կողմի ներկայացրած միջնորդության վարույթը՝ փաստաթղթերի ոչ պատշաճ որակի պատճառաբանությամբ։
Միջնորդության հիմքում նշվել էր Արշակյանի առողջական վիճակի հնարավոր վատթարացումը։ Սակայն դատարանը գտել է, որ ներկայացված բժշկական փաստաթղթերում բացակայում են օբյեկտիվ տվյալներ, որոնք կվկայեին մեղադրյալի առողջական վիճակի այնպիսի վատթարացման մասին, որը կարող էր արդարացնել կալանքի վերացումը կամ այլընտրանքային խափանման միջոցի կիրառումը։
Ըստ Փաստ֊ին փոխանցված որոշման՝ «ամբուլատոր քարտի պատճենի որակով պայմանավորված՝ մասնագիտական զննման տվյալները անընթեռնելի են, ներկայացված մյուս փաստաթղթերում բացակայում են այդպիսի տվյալներ»։
Դատարանն անդրադարձել է նաև պաշտպանական կողմի պնդմանը, թե քննիչը անտեսել է առողջական վիճակի անհապաղ փորձաքննություն նշանակելու պահանջը՝ նշելով, որ դա չի կարող համարվել նոր էական հանգամանք ՀՀ քրեական դատավարության օրենսգրքի 289-րդ հոդվածի իմաստով։
Միևնույն ժամանակ որոշման մեջ նշվում է, որ ներկայացված փաստաթղթերի տեխնիկական խնդիրների լուծման պարագայում նոր միջնորդության ներկայացման արգելք չկա։
Մեր տեղեկություններով՝ պաշտպանական կողմը դատարան է ներկայացրել արդեն տեխնիկապես պատշաճ ձևավորված փաստաթղթեր, և դրանց հիման վրա դատավորն ընդունել է նոր միջնորդությունը վարույթ։
Դատական նիստը նախատեսված է վաղը։
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Վստահության ճգնաժամը հարաբերությունների դաշտում. ինչպես խուսափել ծանրագույն հետևանքներից. «Փաստ»