Մոսկվան պատրաստ է համագործակցել Թբիլիսիի հետ․ ՌԴ փոխարտգործնախարար

08/08/2025 13:35Միջազգային

ԵՐԵՎԱՆ, ՕԳՈՍՏՈՍԻ 8, 24News

Ռուսաստանի փոխարտգործնախարար Միխայիլ Գալուզինը հայտարարել է, որ Ռուսաստանը պատրաստ է զարգացնել առողջ պրագմատիկ համագործակցություն Վրաստանի հետ, և Թբիլիսիի գործն է որոշել հետագա գործողությունները։

«Ռուսաստանը շահագրգռված է Վրաստանի հետ հարաբերությունների լիարժեք կարգավորմամբ։ Մոսկվան պատրաստ է զարգացնել պրագմատիկ համագործակցություն Թբիլիսիի հետ, որտեղ դա շահավետ է երկու կողմերի համար էլ։

Հարցն այն է, որ Վրաստանը որոշի իր հետագա գործողությունները Ռուսաստանի նկատմամբ։ Միևնույն ժամանակ, Մոսկվան և Թբիլիսին զարգացնում են հարաբերությունները առևտրի և տնտեսության ոլորտում։ Ռուսաստանից հանրապետություն զբոսաշրջիկների հոսքը նույնպես աճում է», – «Իզվեստիա»-ին ասել է Գալուզինը։