Մեկ ու կես ամսում ավարտել են Բագրատ Սրբազանի դեմ գործի նախաքննությունը
Քննչական կոմիտեն հայտարարել է, թե ավարտել է Տավուշի թեմի նախկին առաջնորդ Բագրատ Գալստանյանի և նրա համախոհների գործի քննությունն ու ահաբեկչության և իշխանությունը յուրացնելու նախապատրաստության հոդվածներով մեղադրվող 18 անձանց գործն ուղարկել դատախազություն։ Ընդ որում, տրամաբանական կլիներ, որ քրեական այս գործը, եթե որևէ հանցակազմ կամ լուրջ ապացույց կար, Քննչական կոմիտեն բարեհաճեր բավականին երկար քննել։
Առնվազն, մեղադրանքի ծավալը, ինչպես նաև մեղադրյալների թիվը, փաստում է, որ գործը պետք է տասնյակ հատորներից բաղկացած լինի, բայց Քննչական կոմիտեն ընդամենը մեկուկես ամսում է ավարտել գործի քննությունը և դատախազություն ուղարկել։ Ինչը փաստացի ապացուցում է, որ Գալստանյանի դեմ ապացույցները պարզապես սարքվել են, փնթի ձևով կարվել, ինչպես սովորաբար անում է Քննչական կոմիտեն, և ցանկանում են ամեն գնով գործն ուղարկել դատարան, որպեսզի Գալստանյանի և նրա համախոհների վճիռը հնարավորինս շուտ կարդան և մեկուսացնեն հանրությունից։
Կալանավորված անձանցից միայն մեկը՝ Հրայր սարկավագն է ազատ արձակվել, մյուսները գտնվում են տարբեր քրեակատարողական հիմնարկներում։ Ինքը՝ Բագրատ արքեպիսկոպոսը պահվում է «Երևան-Կենտրոն» քրեակատարողական հիմնարկում, որտեղից փորձում է պայքարել թե իր իրավունքների և թե Հայաստանի Հանրապետության համար։ Փոխարենը գործող իշխանություններն ու նրանց մանկլավիկներն իսկական հարձակումներ են սկսել Բագրատ Գալստանյանի դեմ՝ նրան հնարավոր տարատեսակ մեղքերի մեջ մեղադրելով։ Գործն առաջիկայում կհասնի դատարան և ըստ մասնագետների անպայման փլուզվելու է՝ չունենալով ապացուցողական որևէ բազա, բայց, դա, թերևս, չի խոչընդոտի, որ հերթական «մասիսմելքոնյանը» մեղադրական վճիռ կայացնի արքեպիսկոպոսի նկատմամբ։
Մերի Սաֆարյան
«Հրապարակ»․ ՊԵԿ-ում մինչև ուշ գիշեր Ծառուկյանի բիզնեսներն են ստուգում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
«Ժողովուրդ». 13-ժամյա խուզարկությունից հետո ինչո՞ւ է Արթուր Պողոսյանը ցուցադրում 70-ամյա Ծառուկյանի ...
«Ժողովուրդ». Խոսնակի թեժ մրցույթ. Փաշինյանը նոր թեկնածուներ է դիտարկում
Իրավապահները «Վերածնունդ» հուշահամալիրից գերեզմանոց տանող ճանապարհին ձերբակալել են թմրանյութ տեղադրո...
«Իրավունք». «Սուսերով» մարտի է դուրս եկել Արուսյակ Ջուլհակյանը, բայց վերջին խոսքը շեֆինն է
«Հրապարակ»․ Անդրանիկ Քոչարյանը չի ուզում Ալեն Սիմոնյանի վիճակում հայտնվել
Իդրամը՝ «Դեպի գիտակից ծնողավարում 2026» ամենամյա համաժողովի գլխավոր գործընկեր
«Ժողովուրդ» . «Ուժեղ Հայաստան»-ը պատրաստվում է առաջին քաղաքական մարտերին. Փակ հանդիպում ղեկավարի հետ
ՀՀ-ում առաջին անգամ Քաջարան-Ագարակ հատվածում կամուրջների հեծանները մոնտաժվում են կախովի հեծանատեղադր...